سينوپتيكتەر كوكتەم مەن جازدا اۋا رايى قانداي بولاتىنىن ايتتى

سينوپتيكتەر كوكتەم جانە جاز مەزگىلىنە ارنالعان اۋا رايى بولجامىن جاريالادى.

ءساۋىر مەن مامىردا ەل اۋماعىنىڭ باسىم بولىگىندە اۋانىڭ ورتاشا تەمپەراتۋراسى ءبىر ايداعى نورمادان 1 گرادۋس جوعارى بولادى دەپ كۇتىلەدى. جاۋىن-شاشىن مولشەرى ساۋىردە رەسپۋبليكا اۋماعىنىڭ باسىم بولىگىندە نورمادان جوعارى، ەلىمىزدىڭ سولتۇستىك-شىعىسىندا، ورتالىعىندا جانە وڭتۇستىك وبلىستارىنىڭ سولتۇستىگىندە نورما شەگىندە، مامىردا جاۋىن-شاشىن مولشەرى ەلدىڭ باسىم بولىگىندە كليماتتىق نورما شاماسىندا بولادى.

كوكتەمدە كاسپيدىڭ وڭتۇستىگىنەن جانە رەسەيدىڭ ەۋروپالىق اۋماعىنان سيكلوندار كەلۋىنە بايلانىستى جاۋىن-شاشىن كۇتىلەدى: تۇنگى ۋاقىتتا جاڭبىر مەن قار جاۋادى، كۇندىز جاڭبىر جاۋادى، ال وڭتۇستىك ايماقتاردا سۋىق اۋا ماسسالارى كەلۋى مۇمكىن.

ماۋسىمدا اۋانىڭ ورتاشا ايلىق تەمپەراتۋراسى رەسپۋبليكانىڭ باسىم بولىگىندە نورمادان 1-2 گرادۋس جوعارى، ياعني ادەتتەگىدەن ىستىق، ەلدىڭ باتىس بولىگىندە نورما شاماسىندا بولادى دەپ بولجانادى.

شىلدە، تامىزدا قازاقستاندا اۋانىڭ ورتاشا ايلىق تەمپەراتۋراسى نورما شاماسىندا، تەك تامىزدا ەلدىڭ وڭتۇستىگى مەن وڭتۇستىك-شىعىسىندا نورمادان 1 گرادۋس جوعارى بولادى دەپ كۇتىلەدى.

جاز باسىندا، ياعني ماۋسىمدا الدىن الا بولجام بويىنشا قازاقستاننىڭ باسىم بولىگىندە جاۋىن-شاشىن مولشەردەن از كۇتىلسە، شىلدە مەن تامىزدا كوپتەگەن وبلىستا جاۋىن-شاشىن مولشەرى نورما شاماسىندا جانە نورمادان كوپ، شىلدەدە ەلدىڭ وڭتۇستىك-باتىسىندا جانە وڭتۇستىك جارتىسىندا، ال تامىزدا ورتالىقتا، وڭتۇستىكتە جانە وڭتۇستىك-شىعىستا نورمادان از بولادى دەپ بولجانادى.