سينوپتيكتەر 9 وڭىردە ەسكەرتۋ جاريالادى

«قازگيدرومەت» ر م ك 14 -قاراشاعا كۇن رايى بولجامىن ۇسىندى، دەپ حابارلايدى قازاقپارات.

سينوپتيكتەر مالىمەتىنە سۇيەنسەك، رەسپۋبليكانىڭ باسىم بولىگىندە انتيتسيكلون جوتاسىنىڭ ىقپالىمەن اشىق، جاۋىن- شاشىنسىز كۇن رايى ساقتالادى. ەلىمىزدىڭ باتىسىندا، سولتۇستىك- باتىسىندا سيكلون جىراسى مەن اتموسفەرالىق فرونتتاردىڭ وتۋىنە بايلانىستى جاڭبىر كۇتىلەدى، سولتۇستىك- شىعىس پەن شىعىستا قار ارالاس جاڭبىر جاۋادى. بارلىق وڭىردە تۇمان، جەلدىڭ كۇشەيۋى، وڭتۇستىك- باتىستا شاڭدى داۋىل بولجانادى.

سونداي- اق كۇن رايىنىڭ قولايسىزدىعىنا بايلانىستى 9 وڭىردە ەسكەرتۋ جاريالاندى.

اتاپ ايتقاندا، تۇندە جانە تاڭەرتەڭ باتىس قازاقستان وبلىسىنىڭ وڭتۇستىگىندە، باتىسىندا تۇمان كۇتىلەدى. وڭتۇستىك- شىعىستان جەل سوعادى، تۇندە وبلىستىڭ سولتۇستىك- شىعىسىندا ەكپىنى 15-20 م/س قۇرايدى.

تۇندە جانە تاڭەرتەڭ اتىراۋ وبلىسىنىڭ باتىسىندا تۇمان كۇتىلەدى. وڭتۇستىك- شىعىستان وڭتۇستىك- باتىسقا اۋىسىپ جەل سوعادى، ءوڭىردىڭ شىعىسىندا ەكپىنى 15-20 م/س قۇرايدى.

تۇندە جانە تاڭەرتەڭ قاراعاندى وبلىسىنىڭ شىعىسى مەن ورتالىعىندا تۇمان بولجانادى. وڭتۇستىك- باتىستان، وڭتۇستىكتەن جەل سوعادى، كۇندىز وبلىستىڭ باتىسى مەن وڭتۇستىگىندە 18 م/س ەكپىندە جەل تۇرادى.

تۇندە جانە تاڭەرتەڭ اقتوبە وبلىسىنىڭ شىعىسىندا تۇمان كۇتىلەدى. كۇندىز ءوڭىردىڭ باتىسى مەن سولتۇستىگىندە ەكپىنى 15-20 م/س قۇرايدى.

تۇندە جانە تاڭەرتەڭ اقمولا وبلىسىنىڭ شىعىسىندا تۇمان بولجانادى. وڭتۇستىك- باتىستان جەل سوعادى، ءوڭىردىڭ باتىسى مەن سولتۇستىگىندە ەكپىنى 15-20 م/س قۇرايدى.

تۇندە جانە تاڭەرتەڭ ۇلىتاۋ وبلىسىنىڭ سولتۇستىگىن تۇمان باسىپ، وڭتۇستىك- شىعىستان جەل سوعادى. كۇندىز جەلدىڭ كۇشى ءوڭىردىڭ باتىسى مەن سولتۇستىگىندە 18 م/س قۇرايدى.

كۇندىز ماڭعىستاۋ وبلىسىنىڭ شىعىسىندا شاڭدى داۋىل تۇرادى. وڭتۇستىك- شىعىستان سوعاتىن جەل سولتۇستىك- باتىسقا اۋىسىپ، كۇندىز ءوڭىردىڭ باتىسى مەن شىعىسىندا ەكپىنى 15-20 م/س جەتەدى.

سولتۇستىك قازاقستان وبلىسىنىڭ باتىسى مەن سولتۇستىگىندە تۇمان كۇتىلەدى. جەلدىڭ جىلدامدىعى 25 م/س كۇشەيۋى ىقتيمال.

تاۋلىك بويى پاۆلودار وبلىسىنىڭ باتىسىندا، سولتۇستىگى مەن شىعىسىندا تۇمان كۇتىلەدى.

اۆتور

گۇلميرا الياكپاروۆا