سينگاپۋر 35 جىلدان كەيىن مىسىقتاردى ۇيدە ۇستاۋعا رۇقسات بەرمەك
استانا. KAZINFORM - سينگاپۋردا 2024-جىلدىڭ قىركۇيەگىندە 1989-جىلدان بەرى قولدانىلىپ كەلە جاتقان مىسىقتاردى پاتەرلەردە ۇستاۋعا تىيىم سالاتىن ەرەجەلەر وزگەرەدى.
بۇگىندە مىسىقتاردى پاتەردە ۇستاۋعا رۇقسات جوق. ەرەجەنى بۇزعاندار 4 مىڭ سينگاپۋرلىق دوللارعا دەيىن (2970 دوللار) ايىپپۇل ارقالايتىنىن اتاپ وتكەن ءجون.
دەسە دە، ەرەجەنى ەلەپ جاتقان ەشكىم جوق. كورشىلەر مىسىقتاردىڭ يەلەرىنە شاعىمدانعاندا عانا زاڭمەن بايلانىستى پروبلەمالار بولۋى مۇمكىن. Euromonitor International ەسەبىنە سايكەس، 2023-جىلى سينگاپۋردا شامامەن 94000 ءۇي مىسىقتارى تىركەلگەن. بۇل - 2019-جىلمەن سالىستىرعاندا كوپ.
تىيىم سالۋدى الىپ تاستاۋ تۋرالى شەشىم سينگاپۋر ازاماتتارىنىڭ ىقپالىمەن قابىلدانباقشى. قوعامدىق كەڭەس ساۋالناماعا قاتىسقانداردىڭ شامامەن � پاتەرلەردە مىسىق ۇستاۋعا رۇقسات بەرۋ ورىندى دەپ ەسەپتەيتىنىن انىقتادى.
وسىلايشا، 2024-جىلدىڭ قىركۇيەگىنەن باستاپ مەملەكەت مەنشىگىندەگى پاتەردە ەكى مىسىققا دەيىن، سونداي-اق رۇقسات ەتىلگەن (تۇقىمىنا بايلانىستى) ءبىر ءيت ۇستاۋعا بولادى. دەسە دە، يەلەرى ءۇي جانۋارلارىن يەلەنۋدىڭ تەگىن ونلاين كۋرسىن اياقتاپ، ءۇي جانۋارلارىن تاڭبالاپ، تىركەۋگە ءتيىس. سونداي-اق، جانۋارلاردى قورعاۋ ءۇشىن تەرەزەلەرگە تور ورناتۋ مىندەتتەلمەك.