ۇسىك، جەل، قار، بۇرشاق: بۇگىن كۇن رايى قالاي بولادى

استانا. KAZINFORM - «قازگيدرومەت» ر م ك-سى مامىردىڭ 28 ى كۇنگى كۇن رايى بولجامىن جاريالادى.

كاسىپورىننىڭ دەرەكتەرىنە قاراعاندا، ەلىمىزدىڭ باتىس وڭىرلەرى اۋقىمدى انتيسيكلون ىقپالىندا بولعاندىقتان، مۇندا كۇن اشىق بولادى. ەلىمىزدىڭ قالعان اۋماقتارىندا سيكلون جانە ونىمەن بايلانىستى اتموسفەرالىق اعىندار اسەرىنەن، كۇن ءالى دە قۇبىلمالى بولادى، جاڭبىر جاۋىپ، نايزاعاي وينايدى، تۇندە ەلىمىزدىڭ سولتۇستىك- شىعىسىندا، شىعىسىندا قاتتى جاڭبىر جاۋىپ، تۇندە قازاقستاننىڭ سولتۇستىگىندە، ورتالىعىندا جاۋىن- شاشىن، ەلىمىزدىڭ شىعىسىندا جاۋىن-شاشىن قار، جاڭبىر جاۋادى. رەسپۋبليكا بويىنشا ەكپىندى جەل سوعىپ، سولتۇستىكتە، شىعىستا بۇرشاق جاۋادى، داۋىل تۇرىپ، سولتۇستىك-باتىستا، شىعىستا تۇندە تۇمان تۇسەدى.

تۇندە اقمولا وبلىسىنىڭ باتىسىندا، سولتۇستىگىندە، شىعىسىندا، ۇلىتاۋ، قاراعاندى، اقتوبە وبلىستارىنىڭ سولتۇستىگىندە، سولتۇستىك- قازاقستان، قوستاناي وبلىستارىنىڭ باتىسىندا، وڭتۇستىگىندە الماتى وبلىسىنىڭ تاۋلى اۋداندارىندا 1-3 گرادۋس ۇسىك جۇرەدى.

قوستاناي وبلىسىنىڭ وڭتۇستىگىندە، اتىراۋ وبلىسىنىڭ باتىسىندا، وڭتۇستىگىندە، قىزىلوردا وبلىسىنىڭ شىعىسىندا، باتىس قازاقستان وبلىسىنىڭ باتىسىندا، وڭتۇستىك- باتىسىندا جوعارى ءورت قاۋىپى ساقتالادى.

جەتىسۋ وبلىسىنىڭ شىعىسىندا، تۇركىستان وبلىسىنىڭ ءشولدى اۋداندارىندا توتەنشە ءورت قاۋىپى ساقتالادى.

اۆتور
ايدار وسپاناليەۆ