ۇسىك شالۋدىڭ قالاي الدىن الۋعا بولادى

قىس ايلارىندا ادامداردى ۇسىك شالۋ وقيعاسى جيىلەيدى. Kazinform قىزىلوردا وبلىسى سىرداريا اۋدانىنىڭ توتەنشە جاعدايلار ءبولىمىنىڭ ماماندارى ۇسىنعان كەڭەستى نازارعا ۇسىنادى.

ادامداردى ۇسىك اۋا رايىنا بايلانىستى ەسكەرتۋلەردى ەسكەرمەي، ءوز بەتىنشە ارەكەت ەتۋ سالدارىنان تۋىندايدى. قاۋىپتى تابيعي قۇبىلىستار بايقالعاندا ازاماتتارعا الىس ساپارعا شىقپاۋ قاجەت. ۇسىك شالۋ ادامدى مۇگەدەكتىككە ۇشىراتىپ، ءتىپتى ولىمگە اكەلىپ سوقتىرۋى مۇمكىن.

«جالپى ۇسىك شالۋ دەگەنىمىز - بولمەدەن تىس تومەنگى تەمپەراتۋرا كەزىندە ادامنىڭ سىرتقى تەرىسىنىڭ ءۇسىپ كەتۋى. ستاتيستيكالىق مالىمەتكە سۇيەنسەك، ۇسىك شالۋ ۋاقىتى، اسىرەسە، قىسقى كەزەڭىندە 10-، 20 - گرادۋس جانە ودان دا تومەنگى تەمپەراتۋرادا تىركەلەدى. كۇزگى جانە كوكتەمگى كەزەڭىندە اۋادا ىلعالدىڭ كوپ بولۋىنان جانە قاتتى جەل كەزىندە 0 گرادۋستان ءسال جوعارى تەمپەراتۋرادا قولدىڭ جانە دەنەنىڭ باسقا دا بولىگىن ۇسىك شالۋى مۇمكىن. دەنە بولىگىنەن اياق پەن قولدىڭ ساۋساقتارى، قۇلاق پەن مۇرىن ۇسىككە شالدىعۋعا بەيىم كەلەدى. ويتكەنى، سۋىقتىڭ اسەرىنەن دەنەنىڭ وسى بولىكتەرىنە قان كەلۋ تەجەلەدى. ەگەر دەر كەزىندە كومەك كورسەتىلمەسە ول بولىكتەردىڭ جاسۋشالارى ولە باستايدى. كوبىنەسە ۇسىك شالعان ادامدار قاتارىندا ىشىمدىك ىشكەن جانە پسيحوتروپتىق زاتتاردى قولداناتىن ادامدار كوپ. تار اياق كيىم كيىم، قولعاپ، ىلعال كيىم مەن اياق كيىم ادامنىڭ تەز ۇسۋىنە بىردەن- ءبىر سەبەپ»، - دەيدى ماماندار.

اياق پەن قول ۇسىگەن جاعدايدا ولاردى جىلى سۋدا سابىنداپ جۋىپ، سپيرتپەن ءسۇرتۋ قاجەت. اياقتى جەڭىل ۋقالاعان پايدالى.

ۇسىككە شالدىققان ادامعا ىستىق شاي نەمەسە كوفە بەرۋ كەرەك.

«ساۋساقتىڭ ۇشتارى ۇسىسە قولىڭىزدى جىلى سۋعا سالىپ قىزارعانشا ۋقالاڭىز. ۇسىككە شالدىققان قولدى سۋىق سۋ استىندا ۇستاۋعا نەمەسە قارمەن ىسقىلاۋعا بولمايدى. سەبەبى، قاردىڭ ىشىندەگى كىشكەنتاي كريستالدار تەرىنى زاقىمدايدى. ءبىر رەت ۇسىككە شالدىققان دەنە بولىكتەرى سۋىققا وتە سەزىمتال بولادى»، - دەپ تولىقتىردى ماماندار.

ەسكە سالساق، ماماندار ايازدى كۇندەردە قانداي قاۋىپسىزدىك ەرەجەسىن ساقتاۋ قاجەتتىگى جونىندە كەڭەس بەردى.