الايدا جىلى اۋا رايى اي بويى ساقتالمايدى: تەمپەراتۋرا قۇبىلىپ، كەي وڭىرلەردە ۇسىك ءتۇسىپ، جاڭبىر مەن قار جاۋۋى ىقتيمال. استانا مەن الماتىدا دا كۇن رايى بىرنەشە رەت كۇرت وزگەرمەك.
قازان ايى قانشالىقتى جىلى بولادى؟
سينوپتيكتەر بولجامىنشا، قازاقستاننىڭ باسىم بولىگىندە قازاننىڭ ورتاشا تەمپەراتۋراسى كليماتتىق نورمادان 1-2 گرادۋس جوعارى بولادى.
ال شىعىس قازاقستان وبلىسىندا، پاۆلودار وبلىسىنىڭ سولتۇستىك-شىعىس جارتىسىندا جانە اباي وبلىسىندا تەمپەراتۋرا كليماتتىق نورما شاماسىندا ساقتالادى.
اي بويىنداعى ورتاشا اۋا تەمپەراتۋراسى ەلىمىزدىڭ باسىم بولىگىندە 3 10 گرادۋس، ال وڭتۇستىك وڭىرلەردە 11 16 گرادۋس شاماسىندا بولادى دەپ بولجانىپ وتىر.
بۇل قازان بويى كۇن جىلى بولادى دەگەندى بىلدىرمەيدى. ورتاشا كورسەتكىش جوعارى بولعانىمەن، اي ىشىندە جىلى جانە سۋىق اۋا ماسسالارى الماسىپ، تەمپەراتۋرا كۇرت قۇبىلۋى مۇمكىن.
قاي وڭىرلەردە جاۋىن-شاشىن كوپ تۇسەدى؟
قازاقستاننىڭ باسىم بولىگىندە قازان ايىنداعى جاۋىن-شاشىن مولشەرى كليماتتىق نورما شاماسىندا بولادى.
باتىس قازاقستان وبلىسىنىڭ باسىم بولىگىندە، اتىراۋ مەن ماڭعىستاۋ وبلىستارىنىڭ باتىسىندا، اقتوبە وبلىسىنىڭ سولتۇستىگىندە جانە قوستاناي وبلىسىنىڭ سولتۇستىك-باتىسىندا جاۋىن-شاشىن ادەتتەگىدەن كوبىرەك ءتۇسۋى ىقتيمال.
ال جامبىل جانە جەتىسۋ وبلىستارىنىڭ باسىم بولىگىندە، قىزىلوردا وبلىسىنىڭ وڭتۇستىك- شىعىس جارتىسىندا، ۇلىتاۋ وبلىسىندا، قاراعاندى وبلىسىنىڭ وڭتۇستىك جارتىسىندا جانە اباي وبلىسىندا جاۋىن-شاشىن نورمادان از بولادى دەپ بولجانادى.
تۇركىستان مەن الماتى وبلىستارىنىڭ سولتۇستىك بولىگىندە دە جاۋىن-شاشىن مولشەرى كوپجىلدىق كورسەتكىشتەن تومەن بولۋى مۇمكىن.
استانادا ۇسىك ءتۇسىپ، قار ارالاس جاڭبىر جاۋادى
ەلوردادا قازان ايىنىڭ ورتاشا تەمپەراتۋراسى 6 گرادۋس شاماسىندا بولادى. بۇل كليماتتىق نورمادان شامامەن ءبىر گرادۋس جوعارى.
ءبىرىنشى ونكۇندىكتىڭ باسىندا تۇندە ۇسىك ءجۇرۋى ىقتيمال. كەيىن تۇنگى تەمپەراتۋرا 0 5 گرادۋسقا دەيىن جوعارىلايدى. كۇندىز الدىمەن 10 15 گرادۋس، كەيىن 15 20 گرادۋسقا دەيىن جىلىنۋى مۇمكىن.
الايدا جىلى كۇندەر ۇزاققا سوزىلمايدى. كەيىن تۇنگى تەمپەراتۋرا 1-6- گرادۋسقا دەيىن تومەندەپ، كۇندىز 6 11 گرادۋس شاماسىندا بولادى.
ەكىنشى ون كۇندىكتە دە اۋا رايى تۇراقسىز بولادى. تۇندە تەمپەراتۋرا 0 5 گرادۋسپەن 2-7- گرادۋس ارالىعىندا قۇبىلسا، كۇندىز 6 17 گرادۋس ارالىعىندا وزگەرۋى مۇمكىن.
ءۇشىنشى ون كۇندىكتە ەلوردادا تاعى ءبىر جىلىمىق كۇتىلەدى. كۇندىز اۋا تەمپەراتۋراسى 11 16 گرادۋسقا دەيىن كوتەرىلۋى ىقتيمال. ال اي سوڭىندا قايتا سۋىتىپ، تۇندە 3-8- گرادۋس، كۇندىز 2 7 گرادۋس بولادى.
قازاننىڭ ءۇشىنشى ونكۇندىگىندە استانادا جاڭبىر مەن قار ارالاس جاۋىن-شاشىن بولجانادى. ايدىڭ ەكىنشى جارتىسىندا جەلدىڭ ەكپىنى سەكۋندىنا 15-20 مەترگە دەيىن جەتۋى مۇمكىن. سونداي-اق تۇمان مەن كوكتايعاق بولۋى ىقتيمال.
الماتىدا كۇن 30 گرادۋسقا دەيىن جىلىنۋى مۇمكىن
الماتىدا قازان ايىنىڭ ورتاشا تەمپەراتۋراسى 11,6 گرادۋس بولادى دەپ كۇتىلەدى. بۇل كليماتتىق نورمادان شامامەن ءبىر گرادۋس جوعارى.
ءبىرىنشى ونكۇندىكتىڭ باسىندا تۇنگى تەمپەراتۋرا 0 5 گرادۋس شاماسىندا بولىپ، كەيىن 7 12 گرادۋسقا دەيىن كوتەرىلۋى مۇمكىن. ايدىڭ العاشقى كۇندەرى توپىراق بەتىندە 2- گرادۋسقا دەيىن ۇسىك ءجۇرۋى ىقتيمال.
الماتىدا جاۋىن-شاشىن مولشەرى كليماتتىق نورما شاماسىندا بولجانىپ وتىر. جاڭبىر ءبىرىنشى جانە ەكىنشى ونكۇندىكتىڭ ورتاسىندا، سونداي-اق ءۇشىنشى ون كۇندىكتىڭ باسى مەن سوڭىندا جاۋۋى مۇمكىن.
بولجام وزگەرۋى مۇمكىن
«قازگيدرومەت» ايلىق بولجامنىڭ كونسۋلتاتيۆتىك سيپاتتا ەكەنىن ەسكەرتەدى. ۇزاق مەرزىمدى بولجام اۋا رايىنىڭ جالپى سيپاتىن كورسەتەدى، سوندىقتان ناقتى كۇندەردەگى تەمپەراتۋرا، جاۋىن-شاشىن مەن جەلگە قاتىستى مالىمەتتەر جاڭا مەتەورولوگيالىق دەرەكتەر تۇسكەن سايىن ناقتىلانۋى مۇمكىن.
سوندىقتان قازان ايى جالپى العاندا جىلى بولعانىمەن، قازاقستان تۇرعىندارى تەمپەراتۋرانىڭ كۇرت تومەندەۋىنە، ۇسىككە، ەكپىندى جەلگە، ال كەي وڭىرلەردە جاڭبىر مەن قارعا دايىن بولعانى ءجون.