سيفرلىق تەڭگەگە ۇلتتىق ۆاليۋتا مارتەبەسى بەرىلەدى
استانا. KAZINFORM - قارجى نارىعىن رەتتەۋ جانە دامىتۋ اگەنتتىگىنىڭ ءتورايىمى ءمادينا ءابىلقاسىموۆا سيفرلىق تەڭگەگە ۇلتتىق ۆاليۋتا مارتەبەسىن بەرەتىن زاڭ نورماسىن تانىستىردى.
- زاڭ جوباسىنىڭ نەگىزگى جاڭالىعى - اكتيۆتەردىڭ جاڭا كلاسى رەتىندە سيفرلىق قارجى اكتيۆتەرىن رەتتەۋدى ەنگىزۋ. زاڭ جوباسىندا سيفرلىق قارجى اكتيۆتەرىنىڭ ءۇش ءتۇرى كوزدەلگەن. ءبىرىنشىسى - اقشاعا تالاپ ەتۋ قۇقىعىن راستايتىن ستەيبلكويندەر، ەكىنشىسى - بازالىق اكتيۆپەن قامتاماسىز ەتىلگەن سيفرلىق قارجى اكتيۆتەرى، ءۇشىنشىسى - سيفرلىق نىساندا شىعارىلاتىن قارجى قۇرالدارى، - دەدى ول.
ايتۋىنشا، ستەيبلكويندەردىڭ شىعارىلىمى مەن اينالىمىن ۇلتتىق بانك رەتتەيدى. باسقا سيفرلىق قارجى اكتيۆتەرىنىڭ تۇرلەرىن اگەنتتىك رەتتەيدى.
- سيفرلىق قارجى اكتيۆتەرىن قارجى نارىعىنىڭ جاڭا سۋبەكتىلەرى، ياعني سيفرلىق پلاتفورمالار وپەراتورلارى شىعارادى. سيفرلىق قارجى اكتيۆتەرىنە قولدانىستاعى قارجى قۇرالدارى ءۇشىن بەلگىلەنگەن ۇقساس تالاپتار، ونىڭ ىشىندە تاۋەكەلدەردى باسقارۋعا، اقپاراتتى جاريا ەتۋگە جانە ينۆەستورلاردىڭ قۇقىقتارىن قورعاۋعا قاتىستى تالاپتار قويىلادى. سيفرلىق تەڭگەنىڭ ۇلتتىق ۆاليۋتانىڭ جاڭا نىسانى رەتىندەگى مارتەبەسى زاڭنامالىق تۇردە بەكىتىلەدى، - دەدى ءمادينا ءابىلقاسىموۆا.
ايتا كەتەيىك، ءدال قازىر ۇلتتىق بانك پەن قارجى نارىعىن دامىتۋ جانە رەتتەۋ اگەنتتىگى ماجىلىستە بانكتەر تۋرالى زاڭ جوباسىن تانىستىرىپ جاتىر.
اۆتور
ەسىمجان ناقتىباي