سيفرلىق دامۋ ۆيتسە- ءمينيسترى ق. بيشىمبايەۆپەن سەرىكتەستىگى تۋرالى: قازىر ول رەستوباردىڭ قۇرىلتايشىسى ەمەسپىن
استانا. KAZINFORM - سيفرلىق دامۋ، يننوۆاتسيالار جانە اەروعارىش ونەركاسىبى ءمينيسترىنىڭ ءبىرىنشى ورىنباسارى قانىش تولەۋشين نەكەدەگى ايەلىن ولتىرگەنى ءۇشىن سوتتالعان ەكس- ءمينيسترى قۋاندىق بيشىمبايەۆپەن بيزنەس سەرىكتەستىگى تۋرالى پىكىر ءبىلدىردى.
«مەن مەملەكەتتىك قىزمەتكە بيزنەستەن كەلگەن اداممىن. سوندىقتان ءتۇرلى جوبالارعا ينۆەستيتسيا سالدىم. ونىڭ ىشىندە ءسىز ايتىپ تۇرعان جوبا دا بار. قازىر ول جوبادا قۇرىلتايشى ەمەسپىن. قۋاندىق بيشىمبايەۆپەن قارىم-قاتىناس تۋرالى ايتسام، ەشقانداي بايلانىسىم جوق. ءبىز ءبارىمىز «بولاشاق» باعدارلاماسىنىڭ تۇلەكتەرى رەتىندە جوبالارىمىز تۋرالى مالىمەتتى ءوزارا ءبولىسىپ، ۇدايى كەزدەسىپ وتىرامىز. سوندىقتان وسى باعدارلاما تۇلەكتەرى رەتىندە ارالاسامىز. ءبىزدى بايلانىستىراتىن جالعىز وسى جوبا شىعار. سوندىقتان، تاعى دا قايتالاپ ايتام، ول نىساندا قازىر قۇرىلتايشى ەمەسپىن»، - دەدى ۆيتسە-مينيستر ءماجىلىس وتىرىسىنان كەيىن ب ا ق وكىلدەرىنىڭ ساۋالىنا بەرگەن جاۋابىندا.
«ول نىسانداعى قۇرىلتايشىلعىڭىزدى كىسى ءولىمى بولعاننان كەيىن جويدىڭىز با؟» - دەپ سۇرادى جۋرناليست.
قانىش تولەۋشين بۇل ودان بۇرىن جوسپارلانعان قادام ەدى دەگەندى ايتتى.
«مەن مەملەكەتتىك قىزمەتكە اۋىسۋدى جوسپارلاپ جۇرگەندىكتەن اكتيۆتەرىمنىڭ كوبىن وتباسىمىز بولىپ ساتتىق. سوندىقتان قۇرىلتايشىلىقتان شىعۋ ماسەلەسى ونىڭ الدىندا جوسپارلانعان»، - دەدى ول.