سوفيا بەرۋلتسيەۆا قازاقستان قورجىنىنا ازيادانىڭ ءتورتىنشى التىنىن سالدى

قازاقستاندىق سپورتشى كۋميتە باعدارلاماسى بويىنشا 68 كەلىدەن جوعارى سالماق دارەجەسىندە جەڭىسكە جەتىپ، ەل قۇراماسىنا ءتورتىنشى التىن مەدالدى سىيلادى.

بۇل - سوفيا بەرۋلتسيەۆانىڭ ازيا ويىندارىنداعى قاتارىنان ەكىنشى التىن جۇلدەسى. بۇعان دەيىن حاڭجوۋدا وتكەن ازيا ويىندارىندا دا ول 68 كەلىدەن جوعارى سالماق دارەجەسىندە چەمپيون اتانعان.

- سوفيا بەرۋلتسيەۆانىڭ جەڭىسى ۇلتتىق قۇرامانى جۇيەلى دايارلاۋ مەن قازاقستاندا كاراتە سپورتىن دامىتۋ جۇمىستارىنىڭ تاعى ءبىر ناتيجەسى بولدى، - دەلىنگەن مالىمەتتە.

سوفيا بەرۋلتسيەۆا توكيو وليمپياداسىنىڭ قولا جۇلدەگەرى جانە كاراتەدەن قازاقستان ۇلتتىق قۇراماسىنىڭ جەتەكشى سپورتشىلارىنىڭ ءبىرى.

قازىرگى تاڭدا WKF كاراتە ەلىمىزدىڭ 20 وڭىرىندە دامىتىلىپ كەلەدى. سپورتتىڭ بۇل تۇرىمەن 77 مىڭنان استام ادام اينالىسادى. سپورتشىلاردى دايارلاۋعا 600 گە جۋىق جاتتىقتىرۋشى تارتىلعان، ونىڭ ىشىندە 140 مامان اۋىلدىق جەرلەردە جۇمىس ىستەيدى.

بۇگىن قازاقستاندىق كاراتەشى جولامان بيعابىل دا ازيا ويىندارىنىڭ چەمپيونى اتاندى. بۇعان دەيىن تاسجولداعى ۆەلوسپورتتان ريناتا سۇلتانوۆا مەن الەكسەي لۋتسەنكو التىن مەدال جەڭىپ العان.

ال ترياتلونشى ارلان جاڭاباي مەن قازىرگى بەسسايىستان قازاقستان ەرلەر قۇراماسى قولا جۇلدەگە يە بولدى.