استانا. KAZINFORM - سوتقا دەيىنگى تەكسەرۋ امالدارى كەزىندە كۇدىكتىلەرگە قاتىستى قاماۋعا الۋدىڭ ورنىنا بالامالى باسقا شەشىم قابىلداۋ پىسىقتالىپ جاتىر. بۇل تۋرالى قازاقستان سۋديالارىنىڭ سەزىندە جوعارعى سوت ءتوراعاسى اسلامبەك مەرعاليەۆ ءمالىم ەتتى.
«سوتقا دەيىن قاماۋعا الىنعاندار سانى ءالى دە جوعارى، ياعني جىل سايىن شامامەن 11 مىڭ ادام قامتىلىپ وتىر. ونىڭ ۇشتەن ەكى بولىگى عانا ناقتى باس بوستاندىعىنان ايىرۋ جازاسىنا كەسىلگەن. سوندىقتان ءبىز قۇقىق قورعاۋ ورگاندارىمەن بىرلەسىپ ەلەكتروندى بىلەزىكتەردى كەڭىنەن قولدانۋ ارقىلى بالامالى شارالاردى قولدانۋ تاجىريبەسىن كەڭەيتۋدى پىسىقتاپ جاتىرمىز»، - دەدى ا. مەرعاليەۆ.
بۇدان بۇرىن حابارلانعانداي، ق ر پرەزيدەنتى قاسىم-جومارت توقايەۆ قازاقستان سۋديالارىنىڭ سەزىنە قاتىستى.
جوعارعى سوت ءتوراعاسى سۋديالار دەربەستىگىندە جاڭا رەفورمالار ەرەكشە اسەر ەتكەنىن ايتتى.
كۇنسۇلتان وتارباي
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.