تالدىقورعان قالاسىنىڭ مامانداندىرىلعان تەرگەۋ سوتىنىڭ 2023-جىلعى 30- قازانداعى س. -عا قاتىستى قاۋلىسىنىڭ كۇشى جويىلعانىن جانە جاڭا قاۋلى شىعارىلعانىن ءمالىم ەتتى.
«ق ر ق ك 24-بابىنىڭ 3-بولىگىندە، 99-بابى 2-بولىگىنىڭ 9) تارماعىندا كوزدەلگەن قىلمىستىق قۇقىق بۇزۋشىلىق بويىنشا كۇدىكتى س. -عا قاتىستى كۇزەتپەن ۇستاۋ تۇرىندەگى بۇلتارتپاۋ شاراسىن تاڭداۋ تۋرالى تالدىقورعان قالاسى پوليتسيا باسقارماسى تەرگەۋشىسىنىڭ ءوتىنىشى قاناعاتتاندىرىلدى. وسىلايشا، ءۇي قاماق تۇرىندەگى بۇلتارتپاۋ شاراسى كۇزەتپەن ۇستاۋعا اۋىستىرىلدى»، - دەپ حابارلادى جەتىسۋ وبلىسى سوتىنىڭ باسپا ءسوز قىزمەتى.
قاۋلى زاڭدى كۇشىنە ەندى.
ەسكە سالايىق، 27- قازان كۇنى قالاداعى سۇلۋلىق سالوندارىنىڭ بىرىندە 28 جاستاعى قىزدى بۇرىنعى جىگىتى تاماعىن كەسىكىلەپ تاستاعان بولاتىن.
كەيىن دارىگەرلەر پىشاق جاراقاتىمەن اۋرۋحاناعا تۇسكەن قىزدىڭ جاعدايى تۋرالى ايتتى.