سوت سانكتسياسىمەن پەريزات قايراتتىڭ دۇنيە-مۇلكىنە شەكتەۋ قويىلدى

استانا. KAZINFORM - ق م ا قوعامدىق قايىرىمدىلىق قورىنىڭ تەڭ قۇرىلتايشىسى جانە باسشىسى پەريزات قايراتقا قاتىستى تەرگەۋدى جالعاستىرىپ جاتىر.

ەسكە سالا كەتەيىك، ول كوكتەمگى سۋ تاسقىنىنان زارداپ شەككەن ازاماتتارعا كومەك كورسەتۋ ءۇشىن، سونداي- اق پالەستينا تۇرعىندارىنا گۋمانيتارلىق كومەك كورسەتۋ ماقساتىندا جينالعان 1,7 ميلليارد تەڭگەدەن استام قاراجاتتى جىمقىردى دەگەن كۇدىككە ىلىنگەن بولاتىن.

سوتتىڭ سانكسياسىمەن قىلمىستىق جولمەن الىنعان قاراجاتقا ساتىپ الىنعان استانا قالاسىنداعى «Akbulak Riviera» ،«Highvill Ishim Gold»، «كوك جايلاۋ» (تۇراق ورىندارىن قوسا العاندا)، «Sensata Plaza» ت ك، سونداي- اق «Vela Village» كوتتەدج قالاشىعىنداعى ەليتالىق جىلجىمايتىن مۇلىك، Mercedes-Benz S450, Mercedes-Benz EQE 500, Lexus LX-600, Haval اۆتوموبيلدەرى بۇعاتتالدى.

- پەريزات قايراتتىڭ تۇرعىلىقتى جەرىن ءتىنتۋ بارىسىندا قايىرىمدىلىققا جينالعان قاراجاتقا ساتىپ الىنعان قىمبات تەحنيكا، Cartier، Graff, Rolex, Bulgari, Gucci, Louis Vuitton, Versace, Chopard, Hermes, Dolce Gabbana, Prada جانە ت. ب. سياقتى تانىمال الەمدىك برەندتەردىڭ كيىم، اياق كيىم، زەرگەرلىك بۇيىمدار، سومكەلەرى تابىلىپ، تاركىلەندى، - دەپ حابارلادى ق م ا. 
تاركىلەنگەن مۇلىك زاتتاي دالەلدەمەلەر رەتىندە تانىلىپ، ءىس ماتەريالدارىنا قوسىلدى. تاركىلەنگەن زاتتار بويىنشا سول انىقتايتىن بولادى. تەرگەۋ جالعاسىپ جاتىر.

ەسكە سالا كەتەيىك، ەرىكتىلەر قوزعالىسىنىڭ بەلسەندىسى جانە قوعامدىق قايىرىمدىلىق قورىنىڭ قۇرىلتايشىسى پەريزات قايرات ۇستالىپ، تەرگەۋ باستالعانىن حابارلاعان بولاتىنبىز.

ارتىنشا، پەريزات قايرات ەكى اي قاماۋعا الىندى.

پەريزات قايرات پاراسپورت فەدەراتسياسىنداعى قىزمەتىنەن الىندى.

قارجىلىق مونيتورينگ اگەنتتىگى پەريزات قايراتقا قاتىستى تاعى ءبىر دەرەكتى جاريالاعان بولاتىن.

بۇگىن Kazinform سايتىنا شىققان «قايىرىمدىلىق قورلارى قانشا سالىق تولەپ ءجۇر» تاقىرىبىندا جارىق كورگەن ساراپتامالىق ماقالامەن تانىسا وتىرىڭىز.