سپورتتى دامىتۋ ديرەكسياسى 40 ميلليون تەڭگە بيۋجەت قاراجاتىن جىمقىرعان
19:33, 11 - شىلدە 2024
استانا. KAZINFORM - استانا قالاسىندا «وليمپيادالىق ەمەس تۇرلەر بويىنشا سپورتتى دامىتۋ ديرەكسياسى» ك م م- دا بيۋجەت قاراجاتىن جۇيەلى تۇردە ۇرلاۋ فاكتىسىن قارجىلىق مونيتورينگ اگەنتتىگى انىقتادى.
«ماسەلەن، 2021-2022-جىلدار كەزەڭىندە ك م م لاۋازىمدى تۇلعالارى وقۋ-جاتتىعۋ جيىندارىن وتكىزۋگە بولىنگەن بيۋجەتتىك قاراجاتتى جىمقىرعان. ءىس جۇزىندە جيىندار وتكىزىلمەگەن، جاتتىقتىرۋشىلار سپورتشىلاردىڭ ءجۇرىپ-تۇرۋى جانە تاماقتانۋى تۋرالى جالعان ەسەپتەر تاپسىرعان»، - دەلىنگەن حابارلامادا.
زاڭسىز ارەكەتتەردەن مەملەكەتكە كەلتىرىلگەن زالال سوماسى 40 ميلليون تەڭگەدەن اسادى.
وسى فاكتى بويىنشا سوتقا دەيىنگى تەرگەۋ جۇرگىزىلىپ جاتىر، كۇدىكتى سوتتىڭ سانكسياسىمەن قاماۋعا الىندى.
ق ر ق پ ك 201-بابىنىڭ تالاپتارىنا سايكەس وزگە دە مالىمەتتەر جاريا ەتىلۋگە جاتپايدى.