استانا. قازاقپارات - پاريج وليمپياداسىنىڭ قولا جۇلدەگەرلەرى - بوكسشى نازىم قىزايباي مەن دزيۋدوشى عۇسمان قىرعىزبايەۆ مەدال ساپاسىنىڭ تومەن ەكەنىن ايتتى.
«مەدال ساپاسى شىنىمەن دە جاقسى ەمەس. كىشكەنە ءوڭى كەتىپ جاتىر. ءبىز ونى ۇنەمى تاعىپ جۇرەمىز. ساپاسى تومەن بولسا دا ول ءبىز ءۇشىن قىمبات. بوكسپەن بۇرىننان اينالىسامىن. بۇل مەدال بار» - دەيدى نازىم.
«فرانسيادا مەدالدى ۇنەمى تاعىپ جۇردىك. ول ءوڭىن بەرگەن جوق. ەلگە كەلگەننەن كەيىن ونى كوپ ادام ۇستاپ كوردى. مەدالدىڭ ءوڭى وزگەرگەنىن بايقادىم. ءدال قولا مەدالدىڭ ساپاسى تومەن ەكەنىن ەستىدىك. ساپاسىنا قاراماستان ديزاينى ادەمى، ءبارىبىر بىزگە ۇنايدى. سىنىپ قالسا دا ءبىز وعان قۋانىشپەن قارايمىز» - دەيدى عۇسمان.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан