سپورت مينيسترلىگى پاريج وليمپياداسىندا 54 سپورتشىعا ەرەكشە ءۇمىت ارتادى
استانا. KAZINFORM - تۋريزم جانە سپورت ۆيتسە-ءمينيسترى سەرىك جاراسبايەۆ پاريج وليمپياداسىنان قانداي ناتيجە كۇتەتىنىن ايتتى.
«بۇل حالىقتى الاڭداتىپ وتىر. مەملەكەت باسشىسى دا الدىمىزعا ءتيىستى مىندەتتەر قويدى. مەن ءارقاشان ايتىپ جۇرەمىن، وليمپيادا ويىندارىندا بارىنشا جاقسى ناتيجەگە قول جەتكىزۋ مىندەتى تۇر. وسىنىڭ الدىندا توكيو وليمپياداسىندا قانداي ناتيجە بولعانىن ءبارىمىز بىلەمىز. بىزگە پرەزيدەنت تە، ۇكىمەت تە، حالىق تا ارتقان ءۇمىت اقتالمادى. ءبىراق بۇل جولى توكيو وليمپياداسىنان جاقسى ونەر كورسەتۋ مىندەتى تۇر»، - دەدى ول ۆەدومستۆونىڭ القا ماجىلىسىنەن كەيىن.
سونداي-اق، ول ەرەكشە ءۇمىت ارتىپ وتىرعان 50 دەن استام سپورتشى بار ەكەنىن ايتتى.
«مەدالدەر بولجامى بويىنشا ايتساق، قازىر سىزدەرگە ناقتى ەشتەڭە ايتا المايمىن. ءبىراق سپورتشىلاردىڭ بەلگىلى ءبىر پۋلى بار - 54 سپورتشى. سولارعا ۇلكەن ءۇمىت ارتىلىپ وتىر، ارقايسىمەن جەكە جۇمىس جۇرگىزىلىپ جاتىر. ءبىرىنشى كەزەكتە، ارينە، ءداستۇرلى تۇردە جاقسى دامىعان بوكس، جەڭىل اتلەتيكا، ۆەلوسپورت، اتىس ويىندارى سياقتى سپورت تۇرلەرى»، - دەدى ۆيتسە-مينيستر.
اۆتورەسىمجان ناقتىباي