سپورت ءمينيسترى: پاريج وليمپياداسىنا 80-85 جولدامامەن بارساق دەپ وتىرمىز

استانا. KAZINFORM - پارلامەنت پالاتالارىنىڭ بىرلەسكەن وتىرىسىندا تۋريزم جانە سپورت ءمينيسترى ەرمەك مارجىقپايەۆ قازاقستان سپورتشىلارى پاريجدە وتەتىن وليمپيادا ويىندارىنا اۋىر اتلەتيكادان ءبىر دە ءبىر جولداما الماعانىن ايتتى.

«وليمپيادا - ەڭ ۇلكەن ماڭىزدى دودا. پاريجدەگى جارىسقا 205 مەملەكەتتىڭ 10,5 مىڭ سپورتشىسى 32 تۇرىنەن قاتىسادى. بۇگىنگى تاڭدا بىزدە 22 سپورت تۇرىنەن 78 ليتسەنزيا بار. وكىنىشكە قاراي، بيىل ايەلدەر كۇرەسى مەن اۋىر اتلەتيكادان ليتسەنزيا الا المادىق»، - دەدى ول.

مينيستر ەڭ كوپ جولداما العان وڭىرلەردى دە اتادى.

«وڭىرلەرگە كەلسەك، ەڭ ۇلكەن ۇلەس قوسقان ءوزىمىزدىڭ الماتى قالاسى - 16 جولداما. شىمكەنت قالاسىنان - 12، استانا قالاسىنان – 9، شىعىس قازاقستان، تۇركىستان، جەتىسۋ وبلىستارىنان 5 جولدامادان بار. ءالى 4 رەيتينگىلىك- ليتسەنزيالىق تۋرنير بار. جالپى جيىنى 80-85 جولداما الىپ، پاريج وليمپياداسىنا بارامىز دەپ ۇمىتتەنەمىز»، - دەدى ەرمەك مارجىقپايەۆ.

اۆتور

ەسىمجان ناقتىباي