سولتۇستىك تەڭىزدەگى داۋىل نورۆەگيالىق كرۋيزدىك لاينەردىڭ قوزعالىسىنا كەدەرگى كەلتىردى - جەل كەمە كاپيتانى تۇرعان جەردىڭ تەرەزەسىن سىندىرىپ، ناۆيگاتسيالىق قۇرالداردى زاقىمدادى. «مير 24» تەلەارناسىنىڭ اقپاراتىنا سايكەس، 266 جولاۋشى مەن 131 ەكيپاج مۇشەسىنە قازىر قاۋىپ ءتونىپ تۇرعان جوق، دەپ حابارلايدى Kazinform.
كەمە نورۆەگيادان ۇلى بريتانياعا باعىت العان، وندا دا سول ۋاقىتتا داۋىل كۇشەيىپ تۇرعان ەدى. ەلدىڭ شىعىسىندا جەل ەكپىنى تەڭىز جاعالاۋى مەن يوركشير گرافتىعىنىڭ ورتالىق اۋداندارىندا سەكۋندىنا 37 مەتردەن استى.
168 اۋە رەيسى توقتاتىلدى. تەمىرجول پويىزدارى ءوز ساپارىن جالعاستىرا الماي تۇر. تاسجولدارداعى قوزعالىس تا قيىنداعان، كەي جۇك كولىكتەرىن جەل اۋدارىپ، جولدان شىعارىپ جىبەرىپ جاتىر.
جەل ونداعان اعاشتى قۇلاتىپ، ۇيلەردىڭ شاتىرىن ۇشىردى. قالا مەن اۋىلداردا مەكتەپتەردەگى ساباق توقتادى. 40 مىڭعا جۋىق ۇيدە ەلەكتر قۋاتىمەن پروبلەما تۋىندادى.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.