سولتۇستىك قازاقستاندا اپالى- ءىنىلى ەكى ادام سۋيتسيد جاسادى

پەتروپاۆل. KAZINFORM - سولتۇستىك قازاقستان وبلىسىندا ءبىر ءۇيدىڭ ەكى بىردەي بالاسى اسىلىپ قالدى.

وقيعا ايىرتاۋ اۋدانىندا بولعان. 28-ءساۋىر كۇنى 22 جاستاعى كەلىنشەك قوراعا بارىپ اسىلىپ قالعان. مۇنى كورگەن ونىڭ 17 جاستاعى ءىنىسى ورمانعا كەتىپ، ول دا وزىنە قول سالعان.

«ايىرتاۋ اۋداندىق پوليتسيا باسقارماسىنىڭ كەزەكشى بولىمىنە اۋداننىڭ ەكى تۇرعىنى سۋيتسيد جاسادى دەگەن حابارلاما ءتۇستى. قازىر ءوز- وزىنە قول سالۋعا دەيىن جەتكىزۋ فاكتىسى بويىنشا قىلمىستىق ءىس قوزعالدى. تەرگەۋ ءجۇرىپ جاتىر»، - دەدى س ق و پوليتسيا دەپارتامەنتى باسپا ءسوز قىزمەتىندەگىلەر.

كەلىنشەكتىڭ ارتىندا 1,5 جاستاعى بالاسى قالدى.