سولتۇستىك قازاقستان وبلىسىندا جىل باسىنان بەرى جەتى ەر ادام ايەلىنىڭ تەگىن العان

پەتروپاۆل. KAZINFORM - سولتۇستىك قازاقستان وبلىسىندا بيىل جەتى ادام ايەلىنىڭ تەگىنە وتكەن، سونىڭ ۇشەۋى - اۋىل تۇرعىنى. ايىرتاۋ اۋدانىندا ەكى ەر ادام جانە قىزىلجار اۋدانىنىڭ تۇرعىنى زايىبىنىڭ تەگىنە تاڭداۋ جاساعان.

ەلىمىزدە 16 جاسقا تولعان ءار ادام اتىن، اكەسىنىڭ اتىن جانە تەگىن وزگەرتۋگە قۇقىلى. زاڭنامادا قاي كەزدە وزگەرتۋگە بولاتىندىعى دا كورسەتىلگەن. ماسەلەن: ءوز اتى، اكەسىنىڭ اتى نەمەسە تەگى ىڭعايسىزدىق تۋدىرسا، ايتىلۋى قيىن بولسا، سونداي-اق مەملەكەتتىك تىركەۋ كەزىندە ەرلى- زايىپتى ورتاق تەگى بولۋدى قالاسا - وزگەرتە الادى. ايەلىنىڭ ۇيىندە تۇرۋدى وعاشسىنىپ، «كۇشىك كۇيەۋ» اتانۋدان قاشاتىن قازاق قوعامى ءۇشىن بۇل جات بولعانىمەن، بىلتىر ەلىمىزدە 200-گە جۋىق ەر ادام زايىبىنىڭ تەگىن العان.

ازاماتتىق حال اكتىلەرىن تىركەۋ ورگانى بىلتىرعى 1 -شىلدەدەن باستاپ «ازاماتتارعا ارنالعان ۇكىمەت» مەملەكەتتىك كورپوراتسياسى» كە ا ق قارايدى. مامانداندىرىلعان حالىققا قىزمەت كورسەتۋ ورتالىعى قىزمەتكەرلەرىنىڭ مالىمەتىنشە، وسى ارالىقتا س ق و- دا 3400-گە جۋىق نەكە تىركەلگەن، ال جىل باسىنان 1775 جۇپ شاڭىراق قۇردى. نەكەگە وتىرعانداردىڭ 354- ءى- جاسى قىرىقتان اسقاندار، 127- ءسى - 50-دەن اسسا، 60-تان اسقان 71 جۇپ نەكەلەرىن زاڭداستىرعان.

ازاماتتىق حال اكتىلەرىن تىركەۋ ورگاندارىنىڭ مالىمەتىنشە، بيىل شاڭىراق كوتەرگەن ەڭ ەرەسەك كۇيەۋ جىگىتتىڭ جاسى 63-تە بولسا، ونىڭ قالىڭدىعى 60-قا تولعان. نەكە اقجار اۋدانىندا تىركەلدى.

ۇلتتىق ستاتيستيكا بيۋروسىنىڭ مالىمەتىنشە، جالپى ەلىمىزدە بىلتىر 121 مىڭعا جۋىق نەكە تىركەلگەن. بۇل 2022 -جىلدان شامامەن 8 مىڭعا كەم. ۇيلەنۋ كورسەتكىشىنەن 13074 سانىمەن الماتى قالاسى ءبىرىنشى ورىندا تۇر. ودان كەيىن 10392 سانىمەن استانا قالاسى جانە 10087 كورسەتكىشىمەن الماتى وبلىسى كەلەدى.

اجىراسۋلار بويىنشا، الماتى قالاسى كوش باستاپ تۇر. بىلتىر مۇندا 4761 جۇپتىڭ شاڭىراعى شايقالعان، قاراعاندى وبلىسىندا – 3475، استانا قالاسىندا 3389 جۇپ اجىراسىپ كەتكەن. س ق و- دا بىلتىر 1472 ەرلى-زايىپتى اجىراسۋعا ءوتىنىش بەردى.

بۇعان دەيىن س ق و- دا بيىل جىلىتۋ ماۋسىمىنا دايىندىققا 31 ميلليارد تەڭگە بولىنگەنىن جازعان ەدىك.

اۆتور

اقەركە داۋرەنبەك قىزى