سولتۇستىك كورەيادا شەنەۋنىكتەر جاپپاي ءولىم جازاسىنا كەسىلدى

پحەنيان. قازاقپارات - سولتۇستىك كورەيا ۇكىمەتى تامىز ايىنىڭ سوڭىندا 20-30 شەنەۋنىكتى سۋ تاسقىنىنان قورعاي الماعانى ءۇشىن ءولىم جازاسىنا كەستى.

بۇل تۋرالى وڭتۇستىك كورەيالىق «Chosun» تەلەارناسى حابارلادى.

دەرەككوزدىڭ مالىمەتىنشە، سولتۇستىك كورەيا تامىز ايىندا سۋ باسقان ايماقتا جۇمىس ىستەگەن كەم دەگەندە 20 مەملەكەتتىك قىزمەتكەردى ءولىم جازاسىنا كەسكەن. ءولىم جازاسىنا كەسىلگەندەردىڭ اراسىندا وبلىس اكىمدەرى دەڭگەيىندەگى شەنەۋنىكتەر دە بار.

اقپارات ءۇشىن، اعىمداعى جىلدىڭ 31- شىلدەسىندە سولتۇستىك كورەيادا سۋ تاسقىنىنا بايلانىستى توتەنشە جاعداي جاريالانعان بولاتىن. تولاسسىز جاۋعان جاڭبىر سالدارىنان ەلدە 4 مىڭنان استام ءۇيدى سۋ باستى. سولتۇستىك كورەيا باسشىسى كيم چەن ىن سۋ تاسقىنىنان زارداپ شەككەن ايماقتارعا باردى.

ك ح د ر باسشىسى گۋمانيتارلىق كومەك كورسەتۋگە دايىن ەكەندىكتەرىن بىلدىرگەن ەلدەر مەن حالىقارالىق ۇيىمدارعا العىسىن ءبىلدىردى، ءبىراق ولاردى قابىلداماعان. ول ەل بيلىگى باسقارۋدىڭ بارلىق سالاسىندا ءوز كۇشىنە سۇيەنەتىنىن باسا ايتتى.

ونىڭ ايتۋىنشا، سولتۇستىك كورەيا ۇكىمەتى سۋ تاسقىنىنان كەلگەن شىعىندى ەڭسەرۋ ءۇشىن ەل حالقىنا ارقا سۇيەگىسى كەلەدى.

اۆتور

جاراسقان نۇرىبايەۆ