سولتۇستىك كورەيا وڭتۇستىك كورەيامەن اراداعى جارىلعان جولداردا عيماراتتار سالۋدا

استانا. KAZINFORM - سولتۇستىك كورەيا شىعىس كورەيارالىق دونحە جولىندا بەلگىسىز قۇرىلىستار سالىپ جاتىر، دەپ حابارلايدى Yonhap اقپارات اگەنتتىگى.

وڭتۇستىك كورەيانىڭ شەكارالىق باقىلاۋ شەنەۋنىكتەرىنىڭ مالىمەتىنشە، بەلگىسىز قۇرىلىس شەكاراداعى بەتون بوگەتتەر ءۇشىن نەگىز بولۋى مۇمكىن.

Yonhap اقپاراتىنا سايكەس، كەنگي جولىندا مۇنداي قۇرىلىستار سالۋ بەلگىلەرى ازىرگە انىقتالعان جوق.

ەسكە سالا كەتسەك، 15-قازاندا سولتۇستىك كورەيا وڭتۇستىك كورەياعا اپاراتىن باتىس پەن شىعىستاعى ەكى تاس جولدىڭ ۋچاسكەلەرىن جارىپ جىبەردى.

9-قازاندا سولتۇستىك كورەيا رەسپۋبليكانى وڭتۇستىك كورەيامەن بايلانىستىراتىن بارلىق اۆتوموبيلدەر مەن تەمىر جولداردى تولىعىمەن جاۋىپ تاستايتىنىن جازعان ەدىك.

ەسكە سالا كەتسەك، سولتۇستىك كورەيا تاعى دا وڭتۇستىك كورەياعا قوقىس تولتىرىلعان شارلاردى ۇشىردى.

اۆتور
زارينا تۋعانبايەۆا