سولتۇستىك كورەيا بالليستيكالىق زىمىراندارىن تاعى دا سىنادى

استانا. KAZINFORM - سولتۇستىك كورەيا جاپون تەڭىزىنە 10 عا جۋىق قىسقا قاشىقتىقتاعى بالليستيكالىق زىمىران ۇشىردى، دەپ حابارلادى وڭتۇستىك كورەيانىڭ Yonhap اقپارات اگەنتتىگى.

زىمىراندار تاڭعى ساعات 6:14-تە پحەنيانداعى سۋنان اۋدانىنان اتىلعانى جانە جاپون تەڭىزىنە قۇلاعانعا دەيىن شامامەن 350 شاقىرىم ۇشىپ وتكەنى كورسەتىلگەن.

«سولتۇستىك كورەيا زىمىران ۇشىرۋدى سىرتقى الەمگە حابار رەتىندە پايدالانعانىمەن، ءبىر ۋاقىتتا 10 عا جۋىق زىمىران ۇشىرۋ وعان ءتان ەمەس»، - دەپ اتاپ ءوتتى تىلشىلەر.
وڭتۇستىك كورەيانىڭ اسكەري باسشىلىعى ەل استاناسى سەۋل مەن نەگىزگى اۋە بازالارى زىمىران ۇشىرۋ ايماعىنا كىرگەن كورەي تۇبەگىنە قاۋىپ توندىرەتىن «ارانداتۋشىلىق اكتىسى» دەپ ايىپتاپ، وعان قاتاڭ جاۋاپ بەرۋگە ۋادە بەردى»، - دەپ جازادى Yonhap.

پحەنيان ۇشىرعان زىمىرانداردىڭ بالليستيكالىق بولۋى مۇمكىن دەگەن اقپاراتتى جاپون ۇكىمەتى دە راستادى.

پرەمەر-مينيستر فۋميو كيسيدانىڭ مالىمدەۋىنشە، زىمىراندار جاپونيانىڭ ايرىقشا ەكونوميكالىق ايماعىنان تىس جەرگە قۇلاعان جانە ولاردان ەشقانداي زالال بولعان جوق.

مودەلىنە بايلانىستى بالليستيكالىق زىمىراندار يادرولىق وقتۇمسىقپەن جابدىقتالۋى مۇمكىن.

سولتۇستىك كورەيانىڭ مۇنداي زىمىرانداردى سىناۋى ب ۇ ۇ-نىڭ پحەنيانعا سالعان ءتيىستى تىيىمىنا قايشى كەلەدى.

پحەنيان بۇعان دەيىن بالليستيكالىق زىمىراندار سىناعىن 17-مامىردا وتكىزگەن بولاتىن.

اۆتور
زارينا تۋعانبايەۆا