سوعىس كەزىندە كونسلاگەر تۇتقىنىندا بولعان اتىراۋلىققا 1 ميلليون تەڭگە بەرىلەدى

فوتو: فوتو: اتىراۋ وبلىسىنىڭ اكىمدىگى

اتىراۋ. KAZINFORM - اتىراۋدا سوعىس كەزىندە كونسلاگەر تۇتقىنى بولعان ەكاتەرينا ابساتىروۆا تۇرادى.

ەكىنشى دۇنيەجۇزىلىك سوعىستاعى جەڭىستىڭ 80 جىلدىق مەرەكەسىنە وراي وعان 1 ميلليون تەڭگە ءبىرجولعى كومەك بەرىلەدى.

اتىراۋ وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى باسشىسىنىڭ ورىنباسارى ءالفيا تولەعاريەۆانىڭ مالىمەتىنشە، جەڭىس كۇنىنە وراي ارداگەرلەرگە الەۋمەتتىك كومەك كورسەتۋ كورسەتۋ كوزدەلىپ وتىر.

- اتىراۋ قالالىق جانە اۋداندىق ءماسليحاتتاردىڭ شەشىمىنە سايكەس سوعىس كەزىندە وردەن-مەدالدارمەن ماراپاتتالعان 21 تىل ارداگەرىنە 100 مىڭ تەڭگە، ماراپاتتالماعان 872 ادامعا 50 مىڭ تەڭگە كولەمىندە الەۋمەتتىك كومەك كورسەتىلەدى. ال ەكىنشى دۇنيەجۇزىلىك سوعىس كەزىندە كونسلاگەر تۇتقىنىندا 1 ادامعا 1 ميلليون تەڭگە بەرىلەدى. ەكىنشى دۇنيەجۇزىلىك سوعىستا قايتىس بولعان بوزداقتاردىڭ، نە مۇگەدەكتەرىنىڭ، سولارعا تەڭەستىرىلگەن ادامنىڭ ەكىنشى رەت نەكەگە تۇرماعان جۇبايىنا 60 مىڭ تەڭگە مولشەرىندە ءبىرجولعى الەۋمەتتىك كومەك كورسەتۋ كوزدەلىپ وتىر. قازىر وسى ساناتتاعى تىزىمدە 26 ادام بار، - دەپ حابارلادى ءالفيا تولەعاريەۆا.

ونىڭ ايتۋىنا قاراعاندا، جەڭىس كۇنىنە وراي ءبىرجولعى الەۋمەتتىك كومەك الاتىندارعا مەديتسينالىق، كوممۋنالدىق جەڭىلدىكتەر جانە باسقا دا قولداۋلار قاراستىرىلعان.

ەسكە سالا كەتەيىك، بۇدان بۇرىن استانادا ۇ و س ارداگەرلەرىنە 5 ميلليون تەڭگەدەن بەرىلەتىنى حابارلانعان بولاتىن.