سوعىم ناۋقانى اياقتالعانشا مال جانە ەت ونىمدەرىنىڭ تاسىمالى باقىلاۋدا بولادى

استانا. قازاقپارات - ۇلىتاۋ وبلىسىندا ءبىر كۇننىڭ ىشىندە مال جانە ەت ونىمدەرىن زاڭسىز تاسىمالداعان 25 جۇرگىزۋشىگە اكىمشىلىك ايىپپۇل سالىندى، دەپ حابارلايدى 24kz.

مال ۇرلىعىنا قاتىستى 3 قىلمىس اشىلدى. وڭىردە قازىر «مال ۇرلىعى» جەدەل الدىن الۋ ءىس-شاراسى ءجۇرىپ جاتىر. قالا مەن اۋداندارعا كىرەبەرىس جولدارعا تاۋلىك بويى جۇمىس ىستەيتىن جىلجىمالى بلوك- بەكەت قويىلدى. «پروفيلاكتيكالىق شارا سوعىم ناۋقانى اياقتالعانشا جالعاسادى»، - دەيدى ءتارتىپ ساقشىلارى. جالپى وبلىستا وتكەن 10 ايدىڭ ىشىندە مال ۇرلىعى - كە ازايعان.

باعدات ءداۋعارين، وبلىستىق پوليتسيا دەپارتامەنتىنىڭ مۇلىكتى قىلمىستاردى اشۋ ءبولىمىنىڭ باستىعى:

- رەسپۋبليكالىق ماڭىزدى جولداردا 5 جىلجىمالى بلوك-بەكەتتەر قويىلدى. ۆەتەريناريا سالاسىندا مالدى تاسىمالداۋ بويىنشا اكىمشىلىك قۇقىقبۇزۋشىلىقتار كوپ ورىن الۋدا. سونىمەن قاتار بۇگىنگى تاڭدا ەڭ وزەكتى ماسەلەنىڭ ءبىرى مال ۇرلىعىنا قاتىستى تۇرعىندار وزدەرىنىڭ تۇلىكتەرىن ەركىن جايىلىمدارعا جىبەرەدى. سوندىقتان ايتارىمىز وزدەرىنىڭ تۇلىكتەرىن قاراۋسىز ەركىن جايىلىمعا جىبەرمەي، باعۋ ۇيىمداستىرۋ قاجەت. سەبەبى قاراۋسىز جۇرگەن مال قىلمىسكەرلەردىڭ ەڭ وڭاي ولجاسى بولىپ تابىلادى.

24.kz