سوڭعى 10 ايدا قىتايدان كەلگەن تۋريستەردىڭ سانى جارتى ميلليوننان استى
استانا. KAZINFORM - قىتايدان كەلەتىن قوناقتاردىڭ سانى 20 ەسە ءوسىپ، 367 مىڭعا جەتتى. ال بيىلعى 10 ايدا قىتايلىق تۋريستەردىڭ سانى جارتى ميلليوننان استى. بۇل تۋالى ق ر تۋريزم جانە سپورت مينيسترلىگىنىڭ باسپا ءسوز قىزمەتى ءمالىم ەتتى.
ەلوردادا قىتايداعى قازاقستان تۋريزمى جىلى اياسىندا قازاقستان- قىتاي تۋريستىك بيزنەس ديالوگى ءوتتى. ءىس-شاراعا ق ر تۋريزم جانە سپورت ءمينيسترى ەربول مىرزابوسىنوۆ، قىتاي تۋريزم اكادەمياسىنىڭ پرەزيدەنتى (China TourismAcademy)، پروفەسسور داي بين، استانا قالاسى اكىمىنىڭ ورىنباسارى ەۆگەني گلوتوۆ، سونداي-اق قىتاي حالىق رەسپۋبليكاسى دەلەگاتسياسىنىڭ تۋريستىك وكىلدەرى قاتىستى.
مينيستر اتالعان ءىس- شارانىڭ ماڭىزىنا توقتالىپ، اشىق بيزنەس- ديالوگ قاتىسۋشىلار ءۇشىن ءتيىمدى الاڭعا اينالاتىنىنا ءارى قازاقستان مەن قىتاي اراسىنداعى ءوزارا ىنتىماقتاستىقتى دامىتۋعا ىقپال ەتەتىنىنە سەنىم ءبىلدىردى.
«مەملەكەت باسشىسى قاسىم- جومارت توقايەۆتىڭ باستاماسىمەن 2024 -جىل قىتايداعى قازاقستان تۋريزمى جىلى دەپ جاريالانعان بولاتىن. ونىڭ الدىندا ەكىجاقتى ۆيزاسىز رەجيمنىڭ ورناتىلعانى ءمالىم. ناتيجەسىندە قىتايدان كەلەتىن قوناقتاردىڭ سانى 20 ەسە ءوسىپ، 367 مىڭعا جەتتى. ال بيىلعى 10 ايدا قىتايلىق تۋريستەردىڭ سانى جارتى ميلليوننان استى. بۇل وتكەن جىلدىڭ سايكەس كەزەڭىمەن سالىستىرعاندا 0- عا كوپ. وسىلايشا، قىتاي قازاقستانعا كەلەتىن تۋريستەر سانى بويىنشا توپ-5 ەلدىڭ قاتارىنا كىرىپ وتىر. سونداي-اق اۋە قاتىناستارى دا ۇلعايدى. قازاقستان مەن قىتاي اراسىندا 42 تۇراقتى تىكەلەي جانە 7 چارتەرلىك رەيس ورىندالادى»، - دەدى ەربول مىرزابوسىنوۆ.
قىتايداعى قازاقستان تۋريزمى جىلى اياسىندا ەكى ەلدە 30-عا جۋىق ءىس-شارا وتكىزىلدى. ونىڭ ىشىندە قازاقستان قالالارىنىڭ تۋريزم جانە مادەنيەت كۇندەرى، ءىرى كورمەلەر مەن فورۋمدار، سونداي- اق مادەني جانە B2B ءىس- شارالار بار. قىتايداعى قازاقستان تۋريزمى جىلىن وتكىزۋ ەكى ەلدىڭ دامۋى مەن مەملەكەتارالىق دەڭگەيدە دوستىق قارىم- قاتىناستاردى نىعايتۋ ءۇشىن جاڭا مۇمكىندىكتەر اشتى.
ءىس- شارا سوڭىندا تاراپتار قىتايداعى قازاقستان ءتۋريزمى جىلىنىڭ قورىتىندىسىن 2024 -جىلعى 27 -قاراشادا الماتىدا وتەتىن سالتاناتتى جابىلۋ راسىمىندە جان-جاقتى تالقىلاۋعا ۋاعدالاستى.
بۇعان دەيىن حابارلانعانداي، بيىلعى سەگىز ايدا قازاقستان تۋريزمىنە سالىنعان ينۆەستيتسيا كولەمى i ءوستى.