ستراتەگيالىق جوسپارلاۋ اگەنتتىگى: ماڭعىستاۋ وڭىرىندە مۇنايدان باسقا دا قازبالار بار

استانا. KAZINFORM - ستراتەگيالىق جوسپارلاۋ جانە رەفورمالار اگەنتتىگى Kazinform ساۋالىنا جولداعان جاۋابىندا ماڭعىستاۋ ءوڭىرىنىڭ ەكونوميكاسىن مۇنايعا تاۋەلسىز ەتۋدىڭ مۇمكىندىكتەرى تۋرالى مالىمەت ۇسىندى.

«اگەنتتىك ماڭعىستاۋ وبلىسىنىڭ الەۋمەتتىك-ەكونوميكالىق جاعدايىنا تالداۋ جۇرگىزىپ، ءبىرقاتار ۇسىنىس قالىپتاستىردى. ۇلتتىق ستاتيستيكا بيۋروسىنىڭ دەرەكتەرى بويىنشا، 2023 -جىلدىڭ 9 ايىنىڭ قورىتىندىسىندا ماڭعىستاۋ وبلىسىنىڭ جالپى وڭىرلىك ءونىم ۇلەسى 3 تريلليون 523,3 ميلليارد تەڭگە بولدى. بۇل - ەلدىڭ جالپى ىشكى ءونىمىنىڭ %4,7 ى دەگەن ءسوز. جالپى وڭىرلىك ءونىمنىڭ قۇرىلىمىنداعى ەڭ ۇلكەن ۇلەس تاۋ-كەن ونەركاسىبى مەن كارەرلەردى قازۋ سالاسىنا تيەسىلى - Q. ال ەڭ تومەنگى ۇلەستى ونەر، ويىن-ساۋىق جانە دەمالىس سالالارى الادى (ج ءو ءو-نىڭ %0,3 ى)»، - دەپ جازىلعان اگەنتتىك اقپاراتىندا.

اگەنتتىك مالىمەتى بويىنشا، ماڭعىستاۋ توپىراعىندا مۇناي بەن گازدان باسقا دا كەن قورلارى بار.

«وڭىردە تابيعي قازبالاردىڭ وزگە دە كەن ورىندارى بار. الايدا، مۇناي مەن گاز وندىرۋگە باسا نازار اۋدارىلىپ، باسقا پايدالى قازبالاردى ءوندىرۋ الەۋەتى تولىق ىسكە اسىرىلماعان كۇيىندە قالىپ وتىر»، - دەلىنگەن جاۋاپتا.

اگەنتتىك ماماندارى ماڭعىستاۋدىڭ تۋريزم باعىتىنداعى الەۋەتى دە ەكونوميكانى دامىتۋ قۇرالى بولا الاتىنىنا سەنىمدى.

«ايماقتىڭ باسەكەلەستىك قابىلەتىن ارتتىراتىن تاعى ءبىر ارتىقشىلىعى - تۋريزم. تۋريزم ارقىلى قىزمەت كورسەتۋ سالاسىن دامىتسا، ايماقتىڭ الەۋمەتتىك-ەكونوميكالىق جاعدايىنا ودان دا كوپ مۋلتيپليكاتيۆتى اسەر ەتۋى مۇمكىن. سونداي-اق، گەوگرافيالىق ورنىنا بايلانىستى ماڭعىستاۋ وبلىسىنىڭ كولىكتىك-لوگيستيكالىق باعىتتاردى دامىتۋدا ۇلكەن الەۋەتى بار»، - دەپ جازادى اگەنتتىك ساراپشىلارى.

وسىنىڭ ەسكەرگەن اگەنتتىك ماماندارى ماڭعىستاۋ وبلىسىنىڭ الەۋمەتتىك- ەكونوميكالىق الەۋەتىن تولىق اشىپ، تاۋەكەلدەردى باسەڭدەتۋ ءۇشىن ءتورت باعىتتى دامىتۋدى ۇسىنىپ وتىر. ولار:

قاتتى پايدالى قازبالارعا باسا نازار اۋدارا وتىرىپ، مينەرالدىق-شيكىزات بازاسىنىڭ رەسۋرستىق الەۋەتىن ارتتىرۋ؛

وبلىستىڭ گەوگرافيالىق ارتىقشىلىقتارى مەن مادەني ەرەكشەلىكتەرىن، ونىڭ ىشىندە تەڭىزگە ءتيىپ جاتقانىن، كوپتەگەن تاريحي ەسكەرتكىشتەردىڭ بولۋىن ەسكەرە وتىرىپ، وڭىردەگى ءتۋريزمدى جاڭا دەڭگەيگە شىعارۋ؛

حالىقارالىق ماڭىزى بار كولىك- لوگيستيكالىق جانە ينفراقۇرىلىمدىق-سەرۆيستىك الەۋەتتى ەسكەرە وتىرىپ، جۇك ەكسپورتى مەن ترانزيتىن جىبەرۋ ارقىلى تەڭىز پورتتارىنىڭ جۇكتەمەسىن ۇلعايتۋ؛

ەلدەگى تەحنيكالىق، وندىرىستىك كادرلاردى تارتا وتىرىپ، تاۋ-كەن ءوندىرۋ ونەركاسىبىندەگى سەرۆيستىك قىزمەتتەردى ەكسپورتتاۋ جانە كارەرلەردى ازىرلەۋ.

اۆتور

ەسىمجان ناقتىباي