Standard&Poor's قازاقستاننىڭ تاۋەلسىز كرەديتتىك رەيتينگىن راستادى
بۇل تۋرالى قازاقپارات ۇكىمەتتىڭ باسپا ءسو قىزمەتىنە سىلتەمە جاساپ حابارلايدى.
قازاقستاننىڭ رەيتينگىن قولدايتىن ماڭىزدى فاكتورلار - ەل ەكونوميكاسىنىڭ تۇراقتى فيسكالدىق جانە سىرتقى بالانستارى.
بۇل رەتتە ءوتىمدى سىرتقى اكتيۆتەرىنىڭ بولۋى قازاقستاننىڭ فيسكالدىق تۇراقتىلىعىنا وڭ اسەر ەتەدى.
S&P ءوزىنىڭ ەسەبىندە مەملەكەتتىك جانە سىرتقى بالانستار الداعى جىلدارى تۇراقتى بولىپ قالا بەرەتىنىن جانە ىقتيمال ماكروەكونوميكالىق تۇراقسىزدىقتى جۇمسارتۋ ءۇشىن جەتكىلىكتى بولاتىنىن اتاپ ءوتتى. بۇدان باسقا، اگەنتتىكتىڭ اقپاراتىنا سايكەس، رەسەيگە قاتىستى ەكونوميكالىق سانكتسيالاردىڭ قايتالاما سالدارىن ەڭسەرۋگە بولادى جانە قازاقستاننىڭ نەگىزگى مۇناي مەن گاز ەكسپورتتىق نارىقتارىنا شىعۋىنا كەدەرگى بولمايدى.
ساراپشىلاردىڭ پىكىرىنشە، قازاقستاننىڭ ءتيىمدى ماكروەكونوميكالىق ساياساتى ەكونوميكانى ءارتاراپتاندىرۋ، جەكە سەكتوردى دامىتۋ، حالىقتىڭ تابىسىن ارتتىرۋ، ينۆەستيتسيالىق احۋالدى جاقسارتۋ، سالىق ساياساتىن جەتىلدىرۋ ارقىلى جالعاسادى.
بۇدان باسقا، ق ر ۇ ب- نىڭ كرەديت بەرۋ باعدارلامالارىنان شىعۋى ارتىق تەڭگەلىك وتىمدىلىكتى تومەندەتىپ، سونداي-اق ترانسميسسيالىق مەحانيزمدەردى جاقسارتادى.
جالپى، Standard&Poor's قازاقستان ەكونوميكاسىنىڭ ءوسۋىن 2022-جىلى %3,6 جانە 2025-جىلعا دەيىن ورتاشا ەسەپپەن %4 دەڭگەيىندە بولجاپ وتىر.