سەرىك جاراسبايەۆ تۋريزم جانە سپورت ۆيتسە-ءمينيسترى قىزمەتىنە تاعايىندالدى

قازاقستان رەسپۋبليكاسى ۇكىمەتىنىڭ قاۋلىسىمەن سەرىك مارات ۇلى جاراسبايەۆ تۋريزم جانە سپورت ۆيتسە-ءمينيسترى قىزمەتىنە تاعايىندالدى.

بۇل تۋرالى Kazinform ۇكىمەتتىڭ باسپا ءسوز قىزمەتىنە سىلتەمە جاساپ حابارلايدى.

سەرىك جاراسبايەۆ 1984-جىلى سولتۇستىك قازاقستان وبلىسىندا دۇنيەگە كەلگەن.

م. قوزىبايەۆ اتىنداعى سولتۇستىك قازاقستان مەملەكەتتىك ۋنيۆەرسيتەتىن، رەسەي حالىقارالىق وليمپيادا ۋنيۆەرسيتەتىن ءتامامداعان.

ءار جىلدارى بوكستان جاتتىقتىرۋشى-وقىتۋشى، پەتروپاۆل قالاسى ب ج س م نۇسقاۋشىسى، س ق و دەنە شىنىقتىرۋ جانە سپورت باسقارماسىنىڭ باس مامانى، ءبولىم باستىعى بولىپ جۇمىس ىستەدى.

2011-2012-جىلدارى – ق ر م س م سپورت كوميتەتى عىلىمي-ادىستەمەلىك قامتاماسىز ەتۋ، يننوۆاتسيالىق تەحنولوگيا جانە ءبىلىم باسقارماسىنىڭ ساراپشىسى، باس ساراپشىسى.

2012-2014-جىلدارى – ق ر سپورت جانە دەنە شىنىقتىرۋ ىستەرى اگەنتتىگى دەپارتامەنتىنىڭ باسقارما باسشىسى، جوعارى جەتىستىكتەر سپورتى جانە سپورت رەزەرۆى دەپارتامەنتىنىڭ ديرەكتورى.

2014-2018-جىلدارى - ق ر م س م سپورت جانە دەنە شىنىقتىرۋ ىستەرى كوميتەتى ءتوراعاسىنىڭ ورىنباسارى.

2018-2019-جىلدارى – ق ر م س م سپورت جانە دەنە شىنىقتىرۋ ىستەرى كوميتەتىنىڭ ءتوراعاسى.

2019-2021-جىلدارى – ق ر م س م سپورت جانە دەنە شىنىقتىرۋ ىستەرى كوميتەتى ءتوراعاسىنىڭ ورىنباسارى.

2021-جىلى - «قازاقستاندىق كەرلينگ، ەدەندىك كەرلينگ جانە پەتانگا فەدەراتسياسى» ر ق ب ءبىرىنشى ۆيتسە-پرەزيدەنتى.

2021-2023-جىلدارى – ق ر مادەنيەت جانە سپورت ۆيتسە-ءمينيسترى.

2023-جىلدان باستاپ قازىرگى ۋاقىتقا دەيىن - «الماتى» وليمپيادالىق دايارلاۋ ورتالىعى ر م ق ك ديرەكتورى.