ۇكىمەت وتىرىسىنان كەيىنگى باسپا ءسوز كونفەرەنسيادا ونەركاسىپ جانە قۇرىلىس ءمينيسترى قانات شارلاپايەۆ «ارسەلورميتتال تەمىرتاۋدىڭ» ورنىنا كەلەتىن ينۆەستور تۋرالى پىكىر ءبىلدىردى، دەپ حابارلايدى Kazinform.
«ۇكىمەت شەتەلدىك ينۆەستورلاردىڭ كەلۋىن قاراستىرىپ وتىرعان جوق. ەڭبەك شارتى، قىزمەتشىلەردىڭ سانى وزگەرىسسىز قالادى»، - دەدى مينيستر ۇكىمەت وتىرىسىنان كەيىنگى بريفينگتە.
«ول قازاقستاندىق سەرىك احمەتوۆ (بۇرىنعى پرەمەر-مينيستر، قورعانىس ءمينيسترى - رەد.) بولادى دەگەن قانشالىقتى راس؟»، - دەپ سۇرادى جۋرناليست.
قانات شارلاپايەۆ بۇل سۇراققا دا قىسقا جاۋاپ قايىردى.
«قازىر ناقتى ينۆەستور تۋرالى پىكىر بىلدىرە المايمىن. بۇل اكتيۆكە شەتەلدىك ينۆەستور تارتۋدى جوسپارلاپ وتىرعان جوقپىز. سونى عانا ايتا الامىن»، - دەدى ول.
ب ا ق وكىلىنىڭ ناقتىلاۋ سۇراعىنا مينيستر «ونداي ماسەلە تالقىلانعان جوق»، - دەپ جاۋاپ بەردى.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан