استانا. KAZINFORM - رەسەي تاراپىنىڭ باستاماسىمەن قازاقستان رەسپۋبليكاسى پرەمەر-ءمينيسترىنىڭ ورىنباسارى - سىرتقى ىستەر ءمينيسترى مۇرات نۇرتىلەۋ رەسەي فەدەراتسياسىنىڭ سىرتقى ىستەر ءمينيسترى سەرگەي لاۆروۆپەن تەلەفون ارقىلى سويلەستى. بۇل تۋرالى ق ر س ءى م ءمالىم ەتتى.
— مينيسترلەر مەملەكەت باسشىلارىنىڭ تاپسىرمالارىن ۋاقىتىلى ىسكە اسىرۋعا باسا نازار اۋدارا وتىرىپ، 2024-جىلعى ەكىجاقتى ءوزارا ءىس-قيمىلدى قورىتىندىلادى، سونداي-اق بيىك جانە جوعارى دەڭگەيدەگى الداعى ءىس-شارالار كەستەسىن قاراستىردى. تاراپتار قازاقستان-رەسەي قاتىناستارىنىڭ دامۋ ديناميكاسىن جوعارى باعالادى جانە ءتۇرلى سالالارداعى ستراتەگيالىق سەرىكتەستىكتى نىعايتۋ جوسپارلارىن تالقىلادى، — دەلىنگەن حابارلامادا.
سونىمەن قاتار حالىقارالىق كۇن ءتارتىبى مەن كوپجاقتى فورماتتاعى ىنتىماقتاستىقتىڭ وزەكتى ماسەلەلەرى بويىنشا پىكىر الماسۋ ءوتتى.
ەسكە سالا كەتەيىك، بۇعان دەيىن سىرتقى ىستەر مينيسترلىگىنەن 11 فۋنكسيا الىنىپ تاستالعانىن جازعان بولاتىنبىز.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.