سەردار بەردىمۇحامەدوۆ استاناعا جۇمىس ساپارىمەن كەلدى
استانا. KAZINFORM - تۇرىكمەنستان پرەزيدەنتى سەردار بەردىمۇحامەدوۆ «ورتالىق ازيا - گەرمانيا فەدەراتيۆتىك رەسپۋبليكاسى» مەملەكەت باسشىلارىنىڭ كەزدەسۋىنە قاتىسۋ ءۇشىن استاناعا جۇمىس ساپارىمەن كەلدى.
بۇل تۋرالى تۋركمەنيستان سەگودنيا حابارلايدى.
نۇرسۇلتان نازاربايەۆ حالىقارالىق اۋەجايىندا تۇرىكمەنستان مەملەكەتىنىڭ باسشىسىن قازاقستاننىڭ پرەمەر- ءمينيسترى ولجاس بەكتەنوۆ جانە باسقا دا رەسمي تۇلعالار جىلى لەبىزبەن قارسى الدى.
بۇعان دەيىن وزبەكستان رەسپۋبليكاسىنىڭ پرەزيدەنتى شاۆكات ميرزيەيەۆ قازاقستانعا جۇمىس ساپارىمەن كەلگەنىن جازعان ەدىك.
قىرعىز رەسپۋبليكاسىنىڭ پرەزيدەنتى سادىر جاپاروۆ بۇگىن، 17-قىركۇيەكتە ورتالىق ازيا مەملەكەتتەرى باسشىلارى جانە گەرمانيا فەدەرالدىق كانسلەرىنىڭ ەكىنشى كەزدەسۋىنە قاتىسۋ ءۇشىن استاناعا جۇمىس ساپارىمەن كەلدى.
قىرعىزستان پرەزيدەنتىنىڭ ۇشاعى قازاقستان استاناسىنىڭ حالىقارالىق اۋەجايىنا قوندى.