سەربيادا ميتينگ ءوتىپ، حالىق شۇعىل كەزەكتەن تىس سايلاۋ وتكىزۋدى تالاپ ەتتى

استانا. KAZINFORM - بەلگراد ورتالىعىنا انداعان مىڭ ادام جينالىپ ميتينگ وتكىزدى. حالىق كەزەكتەن تىس سايلاۋ ۇيىمداستىرۋدى تالاپ ەتىپ وتىر. ال ەل پرەزيدەنتى ۆۋچيچ «مۇنداي شارتقا» كەلىسپەيتىنىن ايتتى، دەپ حابارلايدى BBC.

سەنبى كۇنى وتكىزىلگەن اكتسيا نوۆي- ساد تەمىرجول ۆوكزالىندا بەتون شاتىر قۇلاپ، 16 ادام مەرت بولعان سوڭ باستالىپ، وتكەن جىلدىڭ قاراشاسىنان بەرى جالعاسىپ كەلە جاتقان جەمقورلىققا قارسى نارازىلىق شارالارىنىڭ جالعاسى.

وتكەن ايدا نارازىلىق بىلدىرۋشىلەر كەزەكتەن تىس پارلامەنتتىك سايلاۋ وتكىزۋدى تالاپ ەتتى. قازىرگى پارلامەنتتەگى كوپشىلىك الەكساندر ۆۋچيچتىڭ پارتياسىنىڭ وكىلدەرى. پرەزيدەنت كەزەكتى سايلاۋ ءوز ۋاقىتىندا، ياعني 2026-جىلدىڭ سوڭىندا وتەدى دەگەن بولاتىن.

نارازىلىق بىلدىرۋشىلەر ۆۋچيچتەن كەزەكتەن تىس سايلاۋ وتكىزۋدى تالاپ ەتتى.

سەربيا استاناسىنداعى ميتينگتەن سوڭ نارازىلىق بىلدىرۋشىلەر پوليتسيامەن قاقتىعىستى. پوليتسيا حالىقتى تاراتۋ ءۇشىن ءتۇرلى قۇرالداردى قولدانعان. ب ا ق وكىلدەرى كوزدەن جاس شىعاراتىن جانە بۇرىش گازىن پايدالاندى دەپ جازىپ جاتىر. سوندا-اق AFP اگەنتتىگىنىڭ تىلشىلەرى پوليتسيانىڭ جارىق دىبىستى گراناتا قولدانعانىنىڭ كۋاسى بولعان.

وسىعان دەيىن بەلگرادتا پرەزيدەنت ۆۋچيچتىڭ ۇكىمەتىنە قارسى نارازىلىق شارالارى وتكەنى تۋرالى جازدىق.