سەناتورلار پالاتا وتىرىسىنىڭ كۇن ءتارتىبىن بەكىتتى
22:10, 04 - ناۋرىز 2024
استانا. KAZINFORM - سەنات سپيكەرى ماۋلەن اشىمبايەۆتىڭ توراعالىعىمەن پالاتا بيۋروسىنىڭ وتىرىسى ءوتتى. وندا دەپۋتاتتار 7- ناۋرىز كۇنى وتەتىن سەنات وتىرىسىنىڭ كۇن ءتارتىبىن بەكىتتى.
الداعى بەيسەنبىدە سەناتورلار «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ترانسفەرتتىك باعا بەلگىلەۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭدى قارايدى. بۇل قۇجات حالىقارالىق ىسكەرلىك وپەراتسيالاردا مەملەكەتتىك كىرىستىڭ جوعالۋىن بولدىرماۋدى كوزدەيدى.
سونداي-اق زاڭ نورمالارى كاپيتالدى شىعارۋدى باقىلاۋ تەتىكتەرىن كۇشەيتۋ ءۇشىن تاراپتاردىڭ ءوزارا بايلانىستىلىعىن انىقتاۋ جولدارىن كەڭەيتەدى.
ودان بولەك، بيۋرو وتىرىسىندا ماجىلىستەن كەلىپ تۇسكەن زاڭدار سەناتتىڭ تۇراقتى كوميتەتتەرىنە ءبولىنىپ بەرىلدى.