سەنات قىرعىزستانمەن ارادا ساۋدانى ۇلعايتۋعا ارنالعان قۇجاتتى ماقۇلدادى

استانا. KAZINFORM - بۇگىن سەناتتىڭ جالپى وتىرىسىندا «قازاقستان ۇكىمەتى مەن قىرعىزستان مينيسترلەر كابينەتى اراسىنداعى «قاراسۋ» جانە «اق-تىلەك» اۆتوجول وتكىزۋ پۋنكتتەرى اۋدانىندا يندۋستريالىق ساۋدا-لوگيستيكالىق كەشەندى قۇرۋ جانە ونىڭ قىزمەتىن رەتتەۋ تۋرالى كەلىسىمدى راتيفيكاتسيالاۋ تۋرالى» زاڭى ماقۇلداندى.

كەلىسىمنىڭ ماقساتى - قازاقستان جاعىنان «قاراسۋ» جانە قىرعىز تاراپىنان «اق-تىلەك» اۆتوجول وتكىزۋ پۋنكتتەرى اۋدانىندا يندۋستريالىق ساۋدا-لوگيستيكالىق كەشەن قۇرۋ.

سەناتور باۋىرجان قانيەۆتىڭ ايتۋىنشا، قازاقستاننىڭ قىرعىزستانمەن ءوزارا ساۋداسى قارقىندى دامىپ كەلەدى. 2020 -جىلدان باستاپ ەكى ەل اراسىنداعى تاۋار اينالىمى 2 ەسەگە ءوسىپ، 2023 -جىلدىڭ قورىتىندىسى بويىنشا 1,6 ميلليارد ا ق ش دوللارىنا جەتتى.

«ەكى ەلدىڭ مەملەكەت باسشىلارى 2030 -جىلعا دەيىن تاۋار اينالىمىن ەكى ەسەگە ۇلعايتۋ جانە ونى 3 ميلليارد ا ق ش دوللارىنا جەتكىزۋ بويىنشا تاپسىرما قويىپ وتىر. وسىعان بايلانىستى «قاراسۋ» جانە «اق- تىلەك» اۆتوجول وتكىزۋ پۋنكتتەرى اۋدانىندا يندۋستريالىق ساۋدا-لوگيستيكالىق كەشەن قۇرۋ ەكىجاقتى ىنتىماقتاستىقتى جانداندىرۋ ءارى ءوزارا تاۋار اينالىمىن ۇلعايتۋعا، سونىمەن قاتار ءۇشىنشى ەلدەرمەن ساۋدانى كەڭەيتۋ جانە حالىقارالىق تاۋار ءوندىرۋشى جۇيەلەرگە ءتيىمدى ىقپالداسۋ ءۇشىن قاجەتتى قادام جاساۋعا باعىتتالعان»، - دەدى دەپۋتات.

سەناتتىڭ ەكونوميكالىق ساياسات، يننوۆاتسيالىق دامۋ جانە كاسىپكەرلىك كوميتەتىنىڭ مالىمەتىنشە، يسلك قۇرۋدىڭ جانە ونىڭ جۇمىس ىستەۋىنىڭ نەگىزگى مىندەتتەرى قويماعا جيناۋ، ساقتاۋ، شوعىرلاندىرۋ، قايتا وڭدەۋ، جاڭا تاۋارلار ءوندىرۋ ءارى ولاردى حالىقارالىق تاۋار وتكىزۋشى جۇيەلەرگە ءتيىمدى ينتەگراتسيالاي وتىرىپ، ودان ءارى وتكىزۋ سالاسىنداعى وندىرىستىك كووپەراتسيانى قامتاماسىز ەتۋ. سونداي- اق وندا قىسقا مەرزىمدى وتكىزۋ، لوگيستيكا، ساۋدا ورىندارىن جالعا الۋ، تاۋارلاردى كوتەرمە پارتيالار بويىنشا شوعىرلاندىرۋ جانە قايتا ءبولۋ، تيەۋ جانە ءتۇسىرۋ، ەكسپورتتىق- يمپورتتىق وپەراتسيالار بويىنشا قۇجاتتامالاردى رەسىمدەۋ، زاڭگەرلىك ءارى قارجىلىق كونسۋلتاتسيالار قامتىلادى.

كەلىسىمگە سايكەس ي س ل ك- ءنىڭ جالپى الاڭى 7,6 شارشى ك م قۇرايدى، ونىڭ ىشىندە قازاقستان بولىگىنىڭ الاڭى - 3,6 شارشى ك م، ال قىرعىزستان بولىگىنىڭ الاڭى 4 شارشى ك م قۇرايدى.

كەلىسىمدى ىسكە اسىرۋدان مىناداي وڭتايلى ناتيجەلەر ەسكەرىلگەن:

- وندىرىستىك كووپەراتسيا، جاڭا وندىرىستەر مەن جۇمىس ورىندارىن قۇرۋ؛

- ەت جانە اۋىل شارۋاشىلىعى ونىمدەرىن ساقتاۋ جانە قايتا وڭدەۋ ءۇشىن جاعدايلار جاساۋ؛

- لوگيستيكا مەن كاسىپكەرلىك قىزمەت وبەكتىلەرىن جاقسارتۋ؛

- جاڭا تەحنولوگيالاردى تارتۋ؛

- اۋىل شارۋاشىلىعى ءوندىرىسىن ءارتاراپتاندىرۋ، اگروونەركاسىپتىك كەشەن ونىمدەرىن وتكىزۋ، ساقتاۋ ءارى قايتا وڭدەۋ؛

- جاڭا تاۋارلاردى ءوندىرۋ جانە ولاردى حالىقارالىق تاۋار وتكىزۋ جۇيەلەرىنە ءتيىمدى ينتەگراتسيالاي وتىرىپ ودان ءارى وتكىزۋ.

اۆتور

رۋسلان عابباسوۆ