سەنات جوعارعى سوت سۋدياسىن لاۋازىمىنان بوساتتى

استانا. KAZINFORM - سەنات دەپۋتاتتارى تالعات يبراشەۆتى جوعارعى سوت سۋدياسى لاۋازىمىنان بوساتۋ تۋرالى قاۋلى قابىلدادى.

سەنات وتىرىسىندا جوعارى سوت كەنەسىنىڭ ءتوراعاسى دەنيس شيپپ پالاتا دەپۋتاتتارىنىڭ الدىنا وسىنداي ۇسىنىممەن شىقتى. بۇل ۇسىنىمدى كونستيتۋتسيالىق زاڭناما، سوت جۇيەسى جانە قۇقىق قورعاۋ ورگاندارى كوميتەتى دە قولداپ، قورىتىندى شىعارعان.

«كونستيتۋتسيالىق زاڭناما، سوت جۇيەسى جانە قۇقىق قورعاۋ ورگاندارى كوميتەتى ءوزىنىڭ كەڭەيتىلگەن وتىرىسىندا ق ر پرەزيدەنتىنىڭ جوعارى سوتىنىڭ سۋدياسىن قىزمەتىنەن بوساتۋعا ۇسىنىلعان كانديداتۋرانى تالقىلاپ، قورىتىندى شىعاردى. پرەزيدەنت ۇسىنىمى نەگىزىندە جانە كونستيتۋتسيانىڭ 55-بابىنىڭ 1-تارماقشاسىنا، ق ر پارلامەنتى مەن ونى دەپۋتاتتارىنىڭ مارتەبەسى تۋرالى كونستيتۋتسيالىق زاڭىنىڭ 22-بابىنا، ق ر سوت جۇيەسى جانە سۋديالاردى مارتەبەسى تۋرالى كونستيتۋتسيالىق زاڭىنىڭ 34-بابى 1-تارماعىنىڭ 8-تارماقشاسىنا، 3-تارماعىنىڭ 1-تارماقشاسىنا سايكەس كوميتەت پارلامەنت سەناتىنا تالعات اۋليەحان ۇلى يبراشەۆتى باسقا قىزمەتكە تاعايىندالۋىنا بايلانىستى ق ر جوعارى سوتىنىڭ سۋدياسى قىزمەتىنەن بوساتۋدى ۇسىنادى»، - دەدى كوميتەت ءتوراعاسى نۇرلان بەكنازاروۆ.

تالعات يبراشەۆ پرەزيدەنت جارلىعىمەن 19-ساۋىردە الماتى وبلىستىق سوتىنىڭ ءتوراعاسى بولىپ تاعايىندالعان بولاتىن.

اۆتور
ەسىمجان ناقتىباي