سەمەيدى اينالىپ وتەتىن جول سالىنباق
سەمەي. KAZINFORM - سەمەي قالاسىن اينالىپ وتەتىن جول قۇرىلىسىن 2028-جىلعا دەيىن سالۋ جوسپارلانىپ وتىر.
جوبا قازاق قىتاي كاسىپورىندارىنىڭ بىرلەسكەن كونسورتسيۋمى نەگىزىندە بيىلعى تامىز ايىندا باستالادى. جوسپار بويىنشا جول 2028-جىلعا دەيىن سالىنىپ ءبىتۋى ءتيىس.
اتالعان باستاما قازاقستان رەسپۋبليكاسىنىڭ 2030-جىلعا دەيىنگى كولىك-لوگيستيكالىق الەۋەتىن دامىتۋ تۇجىرىمداماسى شەڭبەرىندە حالىقارالىق قارجى ينستيتۋتتارىمەن بىرلەسىپ ىسكە اسىرىلاتىن ەرەكشە ماڭىزى بار جوبالار تىزبەسىنە ەنگىزىلگەن.
- وبلىس اكىمى بەرىك ءۋالي مەن «China Railway Asia-Europe Construction Investment Co.LTD» كومپانياسىنىڭ باس ديرەكتورى چجوۋ حايۆەي سەمەي قالاسىن اينالىپ وتەتىن اۆتوجول قۇرىلىسىن جۇزەگە اسىرۋعا باعىتتالعان كەلىسىمگە قول قويدى. جاڭا اينالما جولدىڭ سالىنۋى ءوڭىردىڭ لوگيستيكالىق الەۋەتىن ارتتىرىپ، توعىز جولدىڭ تورابىنداعى سەمەي قالاسىنىڭ كولىك جۇكتەمەسىن ازايتۋعا مۇمكىندىك بەرەدى، - دەپ حابارلادى اباي وبلىسى اكىمدىگىنەن.
ايتا كەتەيىك، سەمەيدەگى اسپالى كوپىر ارقىلى جىلىنا 700 مىڭعا جۋىق كولىك وتەدى.
ەسكە سالساق، وسىعان دەيىن سەمەيدەگى اسپالى كوپىردە كولىك قوزعالىسى شەكتەلەتىندىگى جايلى جازعانبىز.