سەمەيدە پوليتسيا قىزمەتكەرلەرىنە ارنالعان مۋرال پايدا بولدى
09:25, 17 - قازان 2024
سەمەي. KAZINFORM - قالاداعى كوپقاباتتى ۇيلەردىڭ بىرىندە قوعام مەن پوليتسيا اراسىنداعى بەرىك بايلانىستى بەينەلەيتىن مۋرال جاسالدى. بۇل تۋرالى اباي وبلىسى پوليتسيا دەپارتامەنتىنىڭ باسپا ءسوز قىزمەتى حابارلادى.
سۋرەتشى بالالارعا قۇرمەت كورسەتىپ تۇرعان اتتى پوليتسەيدى بەينەلەگەن. بۇل جۇمىس قازنەتتە تانىمال بولىپ، كوپشىلىكتىڭ جۇرەگىن ەلجىرەتكەن روليككە بالاما رەتىندە جاسالعان.
بۇل بەينە ازاماتتاردى كۇن-ءتۇن دەمەي قورعاپ جۇرگەن پوليتسيا قىزمەتكەرلەرى وزدەرىنىڭ باستى ميسسياسى - قوعامىمىزدىڭ قاۋىپسىزدىگى مەن تىنىشتىعىن قامتاماسىز ەتىپ جۇرگەنىن بەينەلەيتىن ماڭىزدى نىشان.
ەسكە سالا كەتەيىك، بۇعان دەيىن ەلوردادا كۇلاش بايسەيىتوۆانىڭ قۇرمەتىنە تۇرعىن ءۇيدىڭ قاسبەتىنە مۋرال سالىنعانىن جازعان ەدىك.