سەمەيدە سيىرلاردى كولىككە تيەپ العان ەر ادام انىقتالدى

سەمەي. KAZINFORM - اباي وبلىسىنىڭ تۇرعىنىنىڭ «جيگۋليدىڭ» سالونىنا ەكى سيىردى تيەپ العان ۆيدەوسى Instagram الەۋمەتتىك جەلىسىندە تاراعان.

ۆيدەودان ەكى سيىردىڭ كولىكتىڭ ارتقى ورىندىعىنا «جايعاسىپ» العانىن كورۋگە بولادى.

35 جاستاعى ۆاز-21060 كولىگىنىڭ جۇرگىزۋشىسى جولاۋشىلار مەن جۇكتەردى تاسىمالداۋ ەرەجەلەرىن ساقتاماعانى ءۇشىن اكىمشىلىك جاۋاپكەرشىلىككە تارتىلدى. وسى باپتىڭ سانكسياسىمەن بەس ايلىق ەسەپتىك كورسەتكىش مولشەرىندە ايىپپۇل كوزدەلگەن.