استانا. قازاقپارات - سەمەيدە قازاقستانداعى العاشقى فيبروتسەمەنتتى قاسبەتتىك تاقتالار شىعاراتىن زاۋىت اشىلدى، دەپ حابارلايدى BAQ. KZ قالا اكىمدىگىنە سىلتەمە جاساپ.
«سەمەي قۇرىلىس ماتەريالدارى» ج ش س-نىڭ جاڭا زاۋىتىنىڭ اشىلۋى ەلىمىزدى زاماناۋي ماتەريالدارمەن قامتاماسىز ەتەتىن وتاندىق قۇرىلىس سالاسىن دامىتۋداعى ماڭىزدى قادام بولدى.
زاۋىتتىڭ وندىرىستىك قۋاتى جىلىنا 2 ميلليون شارشى مەترگە دەيىن ءونىم شىعارۋعا مۇمكىندىك بەرەدى. كومپانيانىڭ جابدىقتارى حالىقارالىق ساپا ستاندارتتارىنا سايكەس كەلەدى. بۇل ءونىمنىڭ ىشكى جانە سىرتقى نارىقتاعى جوعارى باسەكەگە قابىلەتتىلىگىنە كەپىلدىك بەرەدى.
زاۋىتتىڭ ەرەكشەلىگى - وتاندىق شيكىزاتتى پايدالانىپ، جەرگىلىكتى ونەركاسىپتىڭ دامۋىنا سەپتىگىن تيگىزۋ. جاڭا كاسىپورىندا 100-دەن استام جۇمىس ورنى اشىلدى.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан