سەمەيدە جوعالىپ كەتكەن 9 جاستاعى بالا ءبىر تاۋلىكتەن كەيىن تابىلدى
12:10, 21 - شىلدە 2024
سەمەي. KAZINFORM - اباي وبلىسى پوليتسيا دەپارتامەنتىنىڭ دەرەگىنشە، 19-شىلدەدە ءىز-ءتۇزسىز جوعالعان ءۇشىنشى سىنىپ وقۋشىسى امان-ەسەن تابىلعان.
ونى پوليتسەيلەر، ەرىكتىلەر مەن قالا تۇرعىندارى ىزدەستىردى.
«ۇل بالانى پوليتسەيلەر، ەرىكتىلەر، سونداي-اق تۇرعىندار بۇكىل قالا بولىپ ىزدەدى. ىزدەۋ قاراۋسىز قالعان عيماراتتاردا دا، ويىن-ساۋىق ورىندارىندا دا جۇرگىزىلدى. ىزدەۋ ءىس-شارالارىن جۇرگىزۋ كەزىندە ءتارتىپ ساقشىلارى وقۋشىنى شىعىس كەنتىنىڭ اۋماعىندا تاپتى»، - دەپ حابارلادى پوليتسيا.
ءتارتىپ ساقشىلارى بالانى پوليتسيا بولىمىنە جەتكىزىپ، اڭگىمەلەستى. پسيحولوگتىڭ قاراۋىنان وتكەن بالا اتا-اناسىنا تاپسىرىلدى.
اۆتور
ەلميرا ورالبايەۆا