سەمەيدە دە قاتتى جەلدەن 10 ميلليون تەڭگە جۇمسالعان باس شىرشا قۇلاپ قالدى

سەمەيدە قاتتى جەل ورتالىق الاڭداعى باس شىرشانى قۇلاتتى، دەپ حابارلايدى Kazinform.

الەۋمەتتىك جەلىلەردە جەلدىڭ قاتتى ەكپىنىنەن ايماقتىڭ باس شىرشاسى قالاي قۇلاعانى تۋرالى ۆيدەو تارادى.

قالالىق اكىمدىك بۇل فاكتىنى راستاپ، مەردىگەر ۇيىمنىڭ وقيعا ورنىنا اتتانعانىن حابارلادى.

«قازىرگى ۋاقىتتا جاسىل كونسترۋكسيانى بولشەكتەۋ جۇمىسى ءجۇرىپ جاتىر. وقىس جاعداي كەزىندە ەشكىم زارداپ شەككەن جوق» دەپ ناقتىلادى اكىمدىك.

ايتا كەتەيىك، شىرشانى سالتاناتتى جاعۋ ءراسىمى وتكەن جىلدىڭ 20-جەلتوقسانىندا وتكەن ەدى.

بيىكتىگى - 19 مەتر، ونى بەزەندىرۋگە 2000 مەتر جارىقديودتى گيرلياندا مەن 100 دەن استام ويىنشىق قولدانىلعان.

جاڭا جىل قارساڭىندا قويىلعان باس شىرشاعا 10 ميلليون تەڭگە جۇمسالعان.

شىرشانىڭ جانىندا اياز اتا مەن اقشاقاردىڭ ءمۇسىنى ورناتىلعان.

ءدال قازىر اباي وبلىسىندا اقتۇتەك بوران باسىلماي تۇر.

وبلىستىق جولاۋشىلار كولىگى جانە اۆتوموبيل جولدارى باسقارماسى 10-قاڭتار ساعات 22:30-دان باستاپ بىرنەشە جول جابىلعانىن حابارلادى.

دميتريەۆكا - بورودۋليحا - وبلىس شەكاراسى، 0-72 ك م؛
بورودۋليحا - جەزكەنت، 0-49 ك م؛
«ا-11 سەمەي - ر ف شەكاراسى» - نوۆوپوكروۆكا-پەتروپاۆلوۆكا - ر ف شەكاراسى، 0-42 ك م؛
«ا-11 سەمەي - ر ف شەكاراسى» - ۆوسكرەسەنوۆكا - پەتروپاۆلوۆكا - دميتريەۆكا، 0-64 ك م؛
ءشۇلبى - جاڭا ءشۇلبى، 0-44 ك م.