سەمەيدە ءبىر اي بۇرىن جوعالعان اپالى- ءىنىلى باۋىرلاردىڭ ءبىرىنىڭ دەنەسى تابىلدى
08:56, 17 - مامىر 2024
سەمەي. KAZINFORM - سەمەيدە ءبىر ءۇيدىڭ 16 جانە 18 جاسار ەكى جاس ءوسپىرىم ءىز-ءتۇزسىز كەتتى. جوعالعانداردى ىزدەۋگە سەمەي پوليتسيا گارنيزونى كوتەرىلدى. بۇگىن بىرەۋىنىڭ دەنەسى تابىلدى.
ىزدەۋ شارالارى ۇلتتىق ۇلان، پوليتسيا، قۇتقارۋشىلار، ەرىكتىلەر، سونداي-اق بەلسەندى ازاماتتاردى تارتا وتىرىپ ءجۇرىپ جاتىر.
15-مامىردا 18 جاسار قىزدىڭ دەنەسى «قۇرىلىسشى» پروفيلاكتورياسىنىڭ ماڭىندا سۋدان تابىلدى.
اتالعان فاكتى بويىنشا سوتقا دەيىنگى تەرگەۋ ءجۇرىپ، ءبىرقاتار ساراپتاما تاعايىندالدى.
كامەلەتكە تولماعان ەكىنشى بالانى ىزدەۋ جالعاسىپ جاتىر.
اباي وبلىسى پ د باستىعى بەكتورە سۇلتان مارقۇمنىڭ تۋىستارى مەن جاقىندارىنا كوڭىل ايتتى.
اۆتور
جانات قاپالبايەۆا