سەمەيدە 106 تاقتايشاعا ساكەن سەيفۋلليننىڭ تەگى قاتە جازىلعان
كوشەلەرگە ىلىنگەن تاقتايشالاردا جازۋشىنىڭ تەگىندە ەكى «ل» ءارپى ورنىنا بىرەۋى عانا بولعان.
سەمەيدە جاڭادان ورناتىلعان مەكەنجاي بەلگىلەرىندە ساكەن سەيفۋلليننىڭ تەگى قاتە جازىلعان. اتالعان جاعدايعا قاتىستى قالالىق مادەنيەت جانە تىلدەردى دامىتۋ ءبولىمى تۇسىنىك بەردى، دەپ حابارلادى turkystan.kz سايتى Arnapress.kz باسىلىمىنا سىلتەمە جاساپ.
كوشەلەرگە ىلىنگەن تاقتايشالاردا جازۋشىنىڭ تەگىن ەكى «ل» ءارپى ورنىنا بىرەۋى عانا بولعان. ۆەدومستۆودان حابارلاعانداي، انىقتالعان قاتەنى جويۋ ءۇشىن تۇرعىن ءۇي-كوممۋنالدىق شارۋاشىلىق بولىمىنە حات جولدانعان.
«سەمەي قالاسىندا سەيفۋللين كوشەسىنە جاڭادان ساتىلعان ماڭدايشالاردى ورناتۋ كەزىندە تەحنيكالىق قاتە انىقتالدى، ياعني ادەبيەت جانە قوعام قايراتكەرىنىڭ اتى-ءجونى قاتە جازىلعان. «قالالىق مادەنيەت جانە تىلدەردى دامىتۋ ءبولىمى» مەملەكەتتىك مەكەمەسى «اباي اۋدانى «سەمەي قالاسىنىڭ تۇرعىن ءۇي-كوممۋنالدىق شارۋاشىلىق ءبولىمى» مەملەكەتتىك مەكەمەسىنە جوعارىدا كورسەتىلگەن قاتەنى جويۋ تۋرالى حات جولدادى»، - دەلىنگەن ۆەدومستۆو حابارلاماسىندا.