سەمەيدە 10 مىڭ كورەرمەنگە ارنالعان ۋلترازاماناۋي سپورت كەشەنى سالىنادى
سەمەي. KAZINFORM - سەمەي قالاسىندا 10 مىڭ كورەرمەنگە ارنالعان زاماناۋي سپورت كەشەنى بوي كوتەرمەك.
قالاداعى «پيشيەۆيك» ستاديونىنىڭ ورنىنا 10 مىڭ كورەرمەنگە ارنالعان ۋلترازاماناۋي سپورت كەشەنى سالىنادى. بۇگىنگى تاڭدا سوڭعى ەسكيز بەكىتىلدى. جوبالىق-سمەتالىق قۇجاتتاما جاساۋ جۇمىستارى باستالىپ، قۇرىلىسى وسى جىلدىڭ قازان ايىندا قولعا الىنادى. اياقتالۋى 2026 -جىلدىڭ اقپانىنا جوسپارلانىپ وتىر.
«سەمەيدىڭ سول جاعالاۋىندا بۇقارالىق سپورتتى دامىتۋعا سەرپىن بەرەتىن زاماناۋي ارەنا پايدا بولادى. جاڭا ستاديون اۋەسقوي فۋتبولشىلار مەن جالپى جۇرتشىلىقتىڭ قىزىعۋشىلىعىن تۋدىرۋدا. ول سپورتتىق جارىستاردى وتكىزۋگە ارنالعان ارەنا عانا ەمەس، ءتۇرلى جاستاعى تۇرعىنداردىڭ ءجيى باس قوساتىن ورىندارىنىڭ ءبىرى بولادى»، - دەپ حابارلادى اباي وبلىسى اكىمدىگىنەن.
ستاديوندا كونسەرتتەر، فەستيۆالدار جانە كورمەلەر سياقتى ءارتۇرلى ويىن-ساۋىق ءارى مادەني ءىس-شارالار ۇيىمداستىرىلماق. بۇل ايماقتاعى تۋريزمدى دامىتا تۇسەدى دەپ جوسپارلانىپ وتىر.
«سونىمەن قاتار جاڭا ستاديون الەۋمەتتىك ينتەگراتسيا مەن حالىق اراسىندا سالاۋاتتى ءومىر سالتىن قالىپتاستىرۋعا وڭ ىقپالىن تيگىزەدى. سپورت قوعامنىڭ دەنساۋلىعى مەن ءال-اۋقاتى ءۇشىن ۇلكەن ماڭىزعا يە. ال جاڭا ستاديون كاسىپقويلارعا دا، اۋەسقويلارعا دا سپورتپەن شۇعىلدانۋعا مۇمكىندىك بەرەدى»، - دەلىنگەن اقپاراتتا.
اۆتور
تالعاتجان مۇحامەتبەك ۇلى