سەمەي قالاسىنىڭ اتاۋى وزگەرە مە

استانا. KAZINFORM - قازىرگى اباي وبلىسىنىڭ ورتالىعى - سەمەي قالاسىنىڭ كەزىندە الاش وردانىڭ استاناسى بولعانى بەلگىلى. شاھاردىڭ اتاۋى الاش قالاسى بولعان. قالانىڭ وسىناۋ تاريحي اتاۋى قايتارىلۋى مۇمكىن بە؟

اگەنتتىكتىڭ «اكىمگە سۇراق» ايدارى اياسىنداعى سۇحبات بارىسىندا وبلىس اكىمى نۇرلان ۇرانحايەۆقا وسى ساۋال قويىلدى. ايماق باسشىسى ماسەلەنى سەمەي قالاسىنىڭ جەرگىلىكتى وكىلدى جانە اتقارۋشى ورگاندارى قارايتىنىن ءمالىم ەتتى.

وبلىس باسشىسى اباي ءوڭىرىنىڭ تىنىس-تىرشىلىگى، جۇزەگە اسىرىلىپ جاتقان جوبالار مەن باسقا دا ماسەلەلەرگە قاتىستى پىكىر ءبىلدىردى.

«بىلتىر وبلىس بيۋجەتىنىڭ كولەمى 418,8 ميلليارد تەڭگە نەمەسە 2022-جىلمەن سالىستىرعاندا 63,6 پايىزعا (2022-جىلى - 256 ميلليارد تەڭگە) كوبەيدى. وبلىس ورتالىعى سەمەي قالاسىن اباتتاندىرۋعا ەرەكشە كوڭىل ءبولىندى. 14 قوعامدىق كەڭىستىك جابدىقتالدى، 71 اۋلا جوندەلدى. 62 كوشەدە جارىقتاندىرۋ شامدارى ورناتىلدى. 41 كوپپاتەرلى تۇرعىن ءۇيدىڭ قاسبەتتەرىن اعىمداعى جوندەۋ جۇمىستارى جۇرگىزىلدى. سونىمەن قاتار، ينۆەستورلار ارقىلى اسپالى كوپىردىڭ استىندا ەرتىس وزەنىنىڭ ەكى جاعالاۋىندا قوعامدىق كەڭىستىك ورناتىلدى، قابانباي باتىر كوشەسىنەن دۋلاتوۆ كوشەسىنە دەيىن، اباي كوشەسىنەن شميدت كوشەسىنە دەيىن اباتتاندىرۋ جۇمىستارى جۇرگىزىلدى. كەشەندى دامۋ جوسپارىندا جوعارى ستاندارتتارعا سايكەس كەلەتىن جاڭا ۋربانيستىك ءتاسىلدى جانە «جاسىل قالا» يدەياسىن ەسكەرە وتىرىپ، سەمەي قالاسىن دامىتۋدىڭ باس جوسپارىن ازىرلەۋ كوزدەلگەن. وسى ماقساتقا بيۋجەتتەن 384,4 ميلليون تەڭگە ءبولىندى. جۇمىس باستالدى، اياقتالۋ مەرزىمى - 2024-جىلدىڭ شىلدە ايى»، - دەدى اكىم.

سۇحباتتىڭ تولىق ءماتىنى بۇگىن جاريالانادى.