سمايىلوۆ «بايتەرەك» پەن «سامۇرىق-قازىنانىڭ» اكتيۆتەردى باسقارۋ قىزمەتىن سىنادى

استانا. KAZINFORM - جوعارى اۋديتورلىق پالاتانىڭ ءتوراعاسى ءاليحان سمايىلوۆ «بايتەرەك» حولدينگى، «سامۇرىق- قازىنا» قورىنىڭ اكتيۆتەردى باسقارۋ قىزمەتىن سىنعا الدى.

- جەكەشەلەندىرۋدىڭ 2021-2025 -جىلدارعا ارنالعان كەشەندى جوسپارىن ىسكە اسىرۋ قارقىنى تومەندەگەن. 2024 -جىلى نەبارى 14 وبەكت ساتىلدى. وڭ ناتيجە رەتىندە بىلتىر رەسپۋبليكالىق بيۋدجەتتەن كۆازيمەملەكەتتىك سەكتوردى قارجىلاندىرۋ كولەمى ) عا جۋىق قىسقاردى. دەگەنمەن حولدينگتەردەگى اكتيۆتەردى ۇتىمسىز باسقارۋ فاكتىلەرىنە جول بەرۋ جالعاسىپ كەلەدى، - دەدى ءاليحان سمايىلوۆ ءماجىلىستىڭ جالپى وتىرىسىندا.

ودان ءارى جوعارى اۋديتورلىق پالاتا ءتوراعاسى ناقتى مىسال كەلتىردى.

- ماسەلەن، «بايتەرەك» حولدينگىنىڭ كومپانيالارى جەڭىلدىكپەن بەرىلەتىن رەسۋرستى تۇپكىلىكتى الۋشىلارعا جەتكىزۋ مەرزىمىن ۇزاققا سوزادى. جوبالاردى ىرىكتەۋ پروتسەسى جەتكىلىكتى دەڭگەيدە اشىق ەمەس. مالىمدەلگەن KPI عا جەتپەگەن نەمەسە قارسى مىندەتتەمە مۇلدەم قاراستىرىلماعان جوبالارعا قولداۋ كورسەتىلگەن. «سامۇرىق- قازىنا» قورى جالپى قۇنى 239 ميلليارد تەڭگە بولاتىن تاۋ-كەن، مەتاللۋرگيا جانە ونەركاسىپ سالالارىنداعى 13 جوبانى توقتاتقان، - دەيدى ول.

بۇعان دەيىن جوعارى پالاتا ءتوراعاسى ەلىمىزدە ءىرى سالىق تولەۋشىلەرگە مونيتورينگ جۇيەسىز جۇرگىزىلەتىنىن ايتقان ەدى.