سمارتفون ەكرانىندا 7 مىڭعا جۋىق باكتەريا مەن ۆيرۋس بولۋى مۇمكىن - مامان
استانا. KAZINFORM - سمارتفون ەكرانىندا 7000 عا جۋىق باكتەريا مەن ۆيرۋس ءتۇرى تىرشىلىك ەتۋى مۇمكىن، ولاردىڭ كوپشىلىگى زيانسىز ەمەس. بۇل تۋرالى رەسەي تۇتىنۋشىلار قۇقىعىن قورعاۋ جانە ادام ءال-اۋقاتىن قاداعالاۋ قىزمەتىنىڭ ەپيدەميولوگيا ورتالىق عىلىمي-زەرتتەۋ ينستيتۋتى جانىنداعى مولەكۋلالىق دياگنوستيكا ورتالىعىنىڭ جەتەكشى ساراپشىسى ميحايل لەبەديەۆ مالىمدەدى.
مامانداردىڭ ايتۋىنشا، ءبىز ۇيالى تەلەفوندى ۇنەمى قولدانامىز جانە كوبىنە قولىمىزدان تاستامايمىز. ونى ءارتۇرلى جەرلەردە پايدالانامىز، تازا دا، لاس قولمەن دە ۇستايمىز، ءتۇرلى بەتتەرگە قويامىز. وسىعان بايلانىستى تەلەفون - ۇنەمى وزىمىزبەن بىرگە جۇرەتىن ەڭ «لاستانعان» زاتتاردىڭ ءبىرى.
زەرتتەۋلەرگە سايكەس، سمارتفون ەكرانىندا شامامەن 7000 ءتۇرلى باكتەريا مەن ۆيرۋس بولۋى مۇمكىن. ولاردىڭ � عا جۋىعى - قۇرىلعى يەسىنىڭ قولىنداعى ميكرواعزالار. بۇل ميكروبتاردىڭ اراسىندا ينفەكسيالىق اۋرۋ قوزدىرعىشتارى دا بار.
ماسەلەن، سمارتفوننان ىشەك تاياقشاسى، سالمونەللا نەمەسە نوروۆيرۋس پەن روتاۆيرۋس ينفەكسيالارىن تۋدىراتىن ۆيرۋستار ءجيى انىقتالادى. مۇنىڭ ءبىر سەبەبى - كەي ادامداردىڭ دارەتحاناعا بارعاندا دا تەلەفوندى پايدالانۋى.
سونىمەن قاتار تەلەفوندا تۇماۋ مەن ءتۇرلى رەسپيراتورلىق ينفەكسيالاردىڭ قوزدىرعىشتارى دا بولۋى مۇمكىن. اسىرەسە تۇماۋ مەن ج ر ۆ ي ماۋسىمىندا تەلەفون ينفەكسيا تاراتۋ كوزىنە اينالۋى ىقتيمال. سەبەبى ءبىز ونى بەتىمىزگە جاقىن ۇستايمىز، سويلەسۋ كەزىندە ەكرانعا سىلەكەي مەن شىرىش بولشەكتەرى تۇسەدى، ءتىپتى اۋىز قۋىسىنىڭ شىرىشتى قاباتىمەن تىكەلەي جاناسۋ ورىن الادى. كەيدە تەلەفوندى باسقا ادامدارعا دا پايدالانۋعا بەرەمىز.
مامانداردىڭ ايتۋىنشا، ادامدار قولدىڭ ينفەكسيا تاراتۋداعى ءرولىن ءتۇسىنىپ، ونى ءجيى جۋىپ، انتيسەپتيك قولدانعانىمەن، تەلەفوندى تازالاۋدى ءجيى ەسكەرە بەرمەيدى. ال كەيبىرەۋلەر قىمبات قۇرىلعىسىن ءبۇلدىرىپ الامىن دەپ، ونى دەزينفەكسيالاۋدان قورقادى.