تەحنولوگيانىڭ ادام ميىنىڭ قارتايۋىنا اسەرى تۋرالى نە بىلە الامىز؟ بۇل سۇراققا ا ق ش-تاعى تەحاس ۋنيۆەرسيتەتى مەن بەيلور ۋنيۆەرسيتەتىنىڭ زەرتتەۋشىلەرى جاۋاپ ىزدەدى.
Nature Human Behaviour عىلىمي جۋرنالىندا جاريالانعان زەرتتەۋ ناتيجەسى بويىنشا، «ساندىق تەحنولوگيالار دەمەنتسيانى (ەستە ساقتاۋ مەن ويلاۋ قابىلەتىنىڭ السىرەۋى) تۋدىرادى» دەگەن بولجام راستالماعان. كەرىسىنشە، 50 جاستان اسقان ادامداردىڭ كومپيۋتەر، سمارتفون جانە ينتەرنەتتى قولدانۋى كوگنيتيۆتى السىرەۋ قاۋپىن ازايتۋى مۇمكىن.
زەرتتەۋ دەرەكتەرى قارتتاردىڭ تسيفرلىق قۇرالداردى قولدانۋ ارقىلى اقىل-وي بەلسەندىلىگىن ساقتاپ قالۋى مۇمكىن ەكەنىن كورسەتتى. بۇل، ءوز كەزەگىندە، ەگدە جاستاعى ادامدار ءۇشىن تەحنولوگيانى قولدانۋدىڭ جاڭا قىرلارىن زەرتتەۋگە جول اشادى.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан