سۇلەيمەن دەميرەل ۋنيۆەرسيتەتىندە بومبا بار دەپ حابارلاندى
قونايەۆ. KAZINFORM - سۇلەيمەن دەميرەل ۋنيۆەرسيتەتىندە بومبا قويىلدى دەگەن حابارلاما تۇسۋىنە بايلانىستى ستۋدەنتتەر سىرتقا شىعارىلدى. وقيعانىڭ ۆيدەوسى الەۋمەتتىك جەلىدە تارادى.
سۇلەيمەن دەميرەل ۋنيۆەرسيتەتى اكىمشىلىگى وبلىستاعى بىرنەشە ۇيىمعا لاڭكەستىك ارەكەتتىڭ جاسالۋ ىقتيمالدىعى تۋرالى حابارلاما تۇسكەنىن حابارلادى.
«قازىر قۇقىق قورعاۋ ورگاندارى تەكسەرىس جۇرگىزىپ جاتقانىن، بارلىق قاۋىپسىزدىك شارالارى قابىلدانعانىن اتاپ وتكىمىز كەلەدى. بۇل شارا ءبىزدىڭ قاۋىمداستىقتىڭ بۇكىل مۇشەلەرىنىڭ قاۋىپسىزدىگىن قامتاماسىز ەتۋگە باعىتتالعان. ستۋدەنتتەرىمىزدىڭ، قىزمەتكەرلەرىمىزدىڭ جانە كەلۋشىلەرىمىزدىڭ قاۋىپسىزدىگى ءبىز ءۇشىن بارىنەن ماڭىزدى» دەپ مالىمدەدى ج و و- نىڭ باسپا ءسوز قىزمەتى.
سونداي-اق ۋنيۆەرسيتەتتىڭ باسپا ءسوز قىزمەتى قازىرگى ۋاقىتتا ەشقانداي قاۋىپ جوق ەكەنىن ءسوز ەتتى.
ەسكە سالساق، وتكەن جىلى 14 بالا پوليتسياعا بومبا تۋرالى وتىرىك حابار بەرگەن بولاتىن.