استانا. KAZINFORM - ەلدىڭ دەنساۋلىق ساقتاۋ ءمينيسترى كارلوس الۆارادو مەملەكەتتىك تەلەارناعا بەرگەن سۇحباتىندا ۆەنەسۋەلادا جەر سىلكىنىسىنەن قازا تاپقاندار سانى 235 ادامعا جەتكەنىن مالىمدەدى، دەپ حابارلايدى VTV تەلەارناسى.
24-ماۋسىمدا 7,2 جانە 7,5 بالدىق ەكى جەر سىلكىنىسىنەن قازا تاپقاندار سانى 235 ادامعا، ال جاراقات العاندار سانى 4300 ادامعا جەتتى.
ەڭ اۋىر جاعداي لا-گۋايرا شتاتىندا بولدى. وندا ونداعان عيمارات قيرادى. پرەزيدەنتتىڭ مىندەتىن اتقارۋشى دەلسي رودريگەس ايماقتى اپات ايماعى دەپ جاريالادى.
وسىعان دەيىن بىرىككەن ۇلتتار ۇيىمى ۆەنەسۋەلاعا كومەك كورسەتۋ ءۇشىن حالىقارالىق قاۋىمداستىقتى بۇرىن-سوڭدى بولماعان دەڭگەيدە جۇمىلۋعا ۇندەگەنىن جازدىق.
مەملەكەت باسشىسى قاسىم-جومارت توقايەۆ ۆەنەسۋەلا پرەزيدەنتىنىڭ مىندەتىن اتقارۋشى دەلسي رودريگەسكە كوڭىل ايتۋ جەدەلحاتىن جولدادى.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан